Wife Ko Kaise Khush Rakhe

Hum aap hamesha aksar ye sunte aye hai, ki ek kamyab aadmi ke piche ek aurat ka hath hota hai. Is baat me kitni sachai hai, ye wo hi bata sakte jo shadi shuda hai. Husband or Wife dono ka ek dusre ki life me bahut badi ahmiyat hoti hai dono ki life ek dusre se judi hai. Ek khushal zindagi bitane ke liye husband or wife ko ek dusre ke liye har takleef ka samna karna ana chahiye muskile kitni bhi muskil ho agar dono sath hai to har muskil ko maat dena bahut aasan ho jata hai. Aksar pati patni me jaghda hona aam baat hai choti moti nok-chok har husband wife ke bich chalti rehti hai par hamesha husband ko hi wife ko mnana ya kush karna padta hai. Agar aapki biwi aap se jaldi rooth jati ya naraz ho jati hai, to unhe kush karne ke liya aap niche diye gaye tips or ideas ko apna sakte hai apni is problem ko easily solve kar sakte hai.

Wife Ko Kaise Khush Rakhe

Wife Ko Kaise Kush Rakhe

Unki Demand Puri Kare

Unki har choti badi baaton ka aapko khyal rakhna hoga. Unhe kya pasand hai or kya na pasand ye aap se behtar koi nahi janta to isi baat par aap jyada jor de, bajay unki har baat ko ignore karne se. Aisa nahi hai ki jab wo bole tabhi aap unki har demand ko pura kare aapko khud bhi unse puchna chahiye tabhi aap ek jimedaar pati kahlaye jayenge.

Unko Importance Jarur De

Roj subha unko compliment de Jaise ”Good Morning My Sweet Angel or Darling”. Isse unka mood din bhar acha rahega. Aap agar office me hai to bich me ek do dafa phone unhe kare or unhe aise ehsaas karwaye jaise ki aap unke sath hi hai. Apne busy schedule se jarur unke liye time nikale, unke saath baatein kare. Apni har professional or personal life ki baatein unse share kare. Jisse unka aap pe vishwas bana rahe. Agar sach much aap apne biwi ko khush dekhna chahte hai to unse har wo baat share kijiye, jo wo janna chahti hai. Or unko bhi apni baatein kahne or sunne ka mauka de.

Weekend Par Sath Ghume

Jaise ki hum jante hai ki Patniyo ko ghumne ka bada hi shok hota hai, par sath me agar aap ghumne ke saath saath jeb bhi tight rakhe janab. Jahan Ghumna hai wahan kharcha hona to lajmee hai. Wo kehte hai na jahan aag lagti hai to dhuan nikal bhi lajmee hai to patni ko weekend par ghumane le kar jaye. Isse aapki patni aapse behad khus rahegi.

Be Supportive and Responsible

Aurat bahar se jitni marji strong ho ya dikhawa kare par andar se utni sensitive hoti hai. Aap hamesha apni patni ko ye vishwas dilaye ki har ache bure waqt me aap uske sath ho. Hamesha kisi bhi help ke liye pura support kare or jarurat padhne me usse apni advice bhi de. Jab bhi aapko uksi baaton se lage ki wo disturb hai, ya mood kharab hai use pyar se samjhaye or use khush karne ke liye jo use pasand hai wohi kare.

Gussa Na Or Chilaye Nahi

Kisi bhi baat pe aap jyada gussa ka kare or chilaye to bilkul bhi nahi. Warna aise me aapki biwi aapse se naraz to rahegi hi, or aapse kuch bhi poochne ya baat karne se bhi ghabraegi. Ek comfort zone jarur de apni wife ko. Kisi baat pe toke na har cheez karne ki ajaadi de.

Kam Me Help Kare

Agar biwi job wali hai, to aap pura co-operate kare. Ek ghar ki or office ki jimedaari ke kam me farak samjhe. Agar wife housewife hai, to aap free time unki ghar ke kamo me madad kare. Jaise khana bnane me dusting karne me or bhi choti moti help kare. Jahan aap dono ek dusre ke sath or waqt bita sake. If you blessed with kids to family responsibility bhi samjhe bacho ke sath time spend kare taki aapki wife ko kam karne me dikkat na ho.

Umeed karta hun ki aapki is problem ko hum apne is topic ke jariye solve kar paye ho. Fir bhi aap agar apne suggestions ya apni koi or problem humse share karna chahte hai to aap hume niche diye comment box ke jariye hum tak apni koi bhi baat phuncha sakte hai. Hume aapki problem solve karne me bahut khushi hogi.

8 Comments

Add a Comment