Na Vo Bewafa Na Hum Bewafa Fir Bhi Mili Umar Bhar Ki Judai – Arhan Shaikhh

Hii Frndzz, Myself Arhan Shaikhh. Main koi writer nahi hu aur naa hi Main koi regular reader hu. Main aapke saath apni ye story sirf isliye share kar raha hu kyunki ye meri life ka sabse bada sach hai aur main chahta hoon ki aap bhi wahi galti naa dohrao jo maine ki aur har pal pachta rha hoon.

Baat us waqt ki hai jab Maine 12th ke exam diya tha. Vacations me Daddy ne computer kharid kar diya kyunki Main computers me bahut interested tha aur mujhe computer course bhi join karna tha. Jaise hi computer aaya Maine apne mobile ke through net start kiya and apni facebook ki id start ki. Main din bhar apne frndzz se chat karta tha kyuki pahle mera phone chat nahi support karta tha and mera thik time pass ho jata tha. Main bhut interesting Status post karta tha fb pe. Aksar Main note karta tha ki ek ladki mere har Post ko follow kar rahi hai. And uske likes bhi aa rahe the bus Maine chance dekha n fb pe frnd requst bhej di jab ki Main use jaanta bhi nahi tha.

Usne meri request Accept karli. Maaf kijiyega For security reason Main uska real name nahi bata paunga naam uska aap Aaliya (nickname ) maan ke chalo. Maine ek din use `Hii` message bhi kiya. But maine wo message time pass karne ke liye kar raha tha , kyunki Main pyar vyar me zara bhi yakeen nahi karta tha. Saamne se koi reply nahi aaya.

Maine 2nd fir message kiya and is baar uski taraf se reply aa gya. Maine `How r u` ka msg kiya usne rply bhi kiya. Fir Maine apna intro diya aur usne sirf apna naam bataya.

Main fb par aksar status post kiya karta tha, mere post sab dard bhare rehte the n wo like bhi karti thi. Maine uski frnd list check ki wo new thi fb ek 2 month huye the use id bane. Fir hamari Hii, hello, zyada hone lagi. Main bhi usse bhut baat karne laga but woh sab mere liye sirf time pass tha kyuki us waqt mere paas karne ke liye koi kaam nhi hota tha.

Pahle 1 month tak hamari baat normal hoti rahi. Uske baad Main jaane anjaane me uske close hota gya jab ki woh utni close nahi thi mujhse. Pehle hamara kuch fix timing nahi tha fb ka but ab hamara fix timing tha use jab kaam hota ya muje hota to hum ek dusre ko time de dete and wahi time pe aake chat karte the. Mera  Vacation end hone pe tha and results HSC ke aa chuke the and Main 67% marks se paas ho gya tha and college me admission le liya. Lekin hamari chat badhti chali gayi ab hum chat pe bhut close ho chuke the but as a frrnd.

Main use sirf time pass samajhne ki koshish karta tha. But fir bhi hum ek dusre ki bhut care karne lage mujhe bhi bhut accha lagta tha. Abhi tak Humne ek dusre ko dekha nahi tha, Maine usse apni real pic upload karne ko kaha and Maine bhi apna pic upload kiya. Uska pic dekha to Masha Allah bhut acchi lag rahi thi. Hamara waqt aise hi guzarta gaya n hum ab itne close the ki hum ek dusre ko khud se zyada jaanne lage the. Main tab bhi bhi ignore karta tha ki ye pyar nahi hai. Kyunki aisa attraction 12 ki picnic me mere saath ek ladki ko lekar ho chuka tha. Aur Maine apna past bhi aaliya se share kiya.

Mera first year B.com ka 1st semester aa chuka tha n pehli baar aisa hua ki koi exam ho aur Maine us exam ki tayyari naa ki ho. Maine ye baat aaliya ko batayi. Usne mujh se kaha ki ab exams ke baad hi baat karenge. Mujhe pehle thoda ajeeb laga n Maine bhi socha Ki exam mera hai isko kya problem hai baat karne me. Well Maine apna exams diya padhkar n exam k last din jab Maine facebook khola to dekha k uska message tha ki “inshaallah aap paas hojaoge n sham me milo”. Maine kaha k “Pehle kyun nahi baat kiya” usne samjhaya ki agar hum baat karte rhte to aap concentrate nahi kar paate.”

Well ab Main aap sabhi ko Aaliya ke baare me batata hu” Aaliya ek ache family ki ladki thi, family me uski mummy, choti behen, ek bada bhai aur ek badi behen jiski shadi ho chuki thi. Aaliya ke daddy nahi the. Bada bhai job karta tha aur wo chote baccho ko ghar me tution padhati thi aur saath hi saath college se correspndnce kar rahi thi. Aur wo mujhse 3.5 saal badi thi. Yeh baat hum dono jaante the. Well hum dono ki baate yuhi chalti rahi.

Mera results aaya Main sab subjects me paas tha ye sunkar usne exitement me mujhse kaha “Thank You Jaanu”.

Facebook friends become Lovers HD Wallpaper

Jaanu word sunkar Main chaunk gaya lekin mujhe andar se bhut acha laga. Agle message me usne mujhse jaanu kehne k liye sorry kaha n maine kaha its ok aapko kehna hai to keh sakte ho usne nahi kahaa. Maine kuch fir nahi kaha. Main ab khud se zyada uski care karta tha kyunki woh khane k maamle m susti karti thi. Aur sab pehle kha lete the fir khati thi. Main bhi usse jhut keh deta ki maine bhi nahi khaya hai tab khati thi. Jab ki sach to yeh hai ki mujhe bhukh bardaasht nahi hoti hai. Well aise hume baat karte karte 8 month ho chuke the ab hum dono k exams aa chuke the uska exam pehla tha mera 20 days baad. Baato baaton me Maine ek din kaha ki – “Mujhe aapse phone pe baat karni hai” usne mera no liya n kaha k first paper k baad wo mujhse phone karegi. Aur Maine kaha exam time hum bilkul baat nahi karenge fir bhi maine kaha aap bus 5 mint k liye phone kar lena. Usne kaha thik hai n exam ka time btaya.

Next day Main apne room me jaake 2 bje k baad phone ka wait karne laga. 2.30 bje k karib mera phne bajaa, Maine dekha unknown no hai Maine fauran salaam kiya and usne jawaab diya n Masha Allah uski aawaz bhut pyari thi. Humne karib 10 mint tak baat ki khabar khariyat pucha aur next exam k liye best of luck kaha n kaha k baat karke bhut acha laga.

Uske baad wo har exam k baaad college se ghar pahunchne tak baat karti. Ab Main samajh nahi paa raha tha k yeh pyar hai ya attraction. Well Maine kaha jo bhi ho thik h. Exam k baad hamari ph p baat nahi hoti thi kyunki wo ghar p baat nahi kar sakti thi. Uski mummy ko love marriage pasand nahi tha. N Main apne ghar me apne daddy se bhut darta tha mere daddy old mind k insan hai. Vacations me Maine ek call centre join kiya n kaam karne k wajah se meri aaliya se kam baat hone lagi kyunke Main subha kaam par jata n ni8 me jaldi sojata tha. Vacation khatam hone wala tha Maine job chod diya kyunki 2nd year ka college start hone wala tha.

Ek din chat pe maine aaliya ko Propose kar diya. Main propose karna nahi chahta tha lekin apni feeling rok nahi paya. N uska reply tha I love u 2 but as a frnd Maine uski baat samajhli Maine ok kahaa n hum abhi bhi bhut acche Freind the.

Ek mahine baad aaliya ko apne gaon jaana pada kuch urgency ki wajah se gaon m uski badi sis rehti thi . 15 dino tak hamari koi baat nahi hui n Main andar se toottaa jaa raha tha. Fir 15 dino k baad uska phone aya n khabar pucha Main usdin bahut khush tha, humne thoda baat kiya fir humne shaam ka time liya chat karne k liye. Chat me n phone pe meri aaliya bhut bechain thi.

Maine reason pucha to usne kaha I LOVE U JAANU ALOT Maine kaha Kya hua?? usne kaha k 15 din mere bina uske life ke sabse toughest day the n i love u alot Maine kahaa i love u 2 hamesha Main bhi puri tarha se toot chuka tha apke bina. Achanak mere cell ki ghanti baji Maine ph upar wale room me jaake uthaya woh ph uska tha jab Maine hello kaha to saamne se halka rone ki awaz aarhi thi wo sisak rahi thi Maine bhi pehli baar emotional hua n Maine phir se i love u kaha n kahaa plz dnt cry. Usne kaha pataa nahi yeh kaise hogaya hamare saath that i love u. Maine use thodi tasalli di n finally uski thodi muskurahat wapas aayi ;).

Ab Main bhi usse pyar karne laga tha. Pata nahi chala yeh sab kaise hogya but Maine khuda ka shukar ada kiya ab Main facebook pe apni ek secret group banayi jisme sirf hum the. Ab tak hum kabhi ek dusre se mile nahi the. Well ek din Maine use milne ko kaha usne b kaha use bhi mujhse milnaa h. Hum plan banane lage usne ghar p exam k time table dekhne k liye college jaane ka bahaana kiya hum 10 bje milne wale the usne mujhe Santacruz k bus stop pe milne ko kaha. Main bhi subha 8 bje college gya n ek lecture se pehle hi waha se nikal gya aur 10 bje se pehle stop pe pahunch gya. Mujhe santacruz ka zyada kuch pata nahi tha n milne k liye wo aur uski choti sister aane waali thi uski choti sis mere age ki thi use hum dono ke baare m pataa tha .

Maine ek din pehle hi apni aaliyaa k liye gift lekar aa gya tha n Main stop pe khada hogya 10.15 ho rahe the, Maine saamne wale stop pe dkha to ek bus nikalne jaa rhi thi. Maine msg kiya k kaha ho? uska reply aya “Main bus Main baithne jaa rhi hu aap bhi aajao”. O teri Main opposite stop pe wait kar raha tha. Bus nikalne jaarhi thi Main fauran dauda and chalti bus me chadh gaya . Ab us bus me aage ki ladies m sab naqab me the, Main aage gya n fir piche jaakar baith gya kyunki sab naqab me the isliye thodi confusion thi. Fir mujhe msg aya k hame SNDT college k paas wale stop pe utarna hai . Maine reply kiya madam pehle btao to baithe konsi seat pe ho! fir reply aaya “kyun aap nahi pehchaan paaye”. Tabhi Maine dekha second seat par do girls mujhe hi dekh rahe the Main pehchan gya but fir bhi confusion thi k dono me se Vo hai kaun. After all Main msg kiya k mujhe stop nahi pataa ab aapka kaam hai mujhe bus se utarna. Jab stop aaya to wo dono piche aaye aur ishara kiya aur piche se utarne lage. Finally woh lamha aaya jab Main apni jaan se mila.

ladki ladki se pahli baar mila photo

Maine dono se handshake kiya fir hum college ki taraf  badhe and college me humne 4 ghante saath gujaare wo 4 ghante mere zindagi ke sabse khubsurat 4 ghante hai. Hame kaafi late hogya tha ab humne waha se rickshaw kiya aur Station ki aur badh gaye. Jaane ka dil to bilkul bhi nahi tha but majburi thi.

Ghar pahunchne par humne phone par baat ki aur hum bhut khush the apni life se. Dusre din jab Main book nikalne k liye bag khola to thoda shocked hua us me ek chota sa gift box tha n ek letter tha Maine jaise hi dekha next lecture class se bahar aa gya aur campus me aake gift box khola us me ek bhut pyara sa specs (Cchashma) tha aur saath hi meri jaan ka letter tha. Us letter m bhut kuch aisi baate thi jo hamare liye thi mere aankho se aansu aagye n maine ph kiya k iski kya zarurat thi aur bas i love u babu kaha woh b mujhe reply di n ek flying kis di.

Waqt isi tarha guzarta gya. Ek din baato baato me shadi ki baat nikli. Hum dono bhut pareshan ho gaye. Main bhut depression me aa gya kyunki age factor ki wajah se mere daddy kabhi nahi maanne wale the aur uske gharwale bhi nai. Ab mera depression usse dekha nahi gya n hum ek dusre s milne k liye bechain the, uski mummy kuch kaam ki wajah se bahar gaye the. Humne juhu me milne ka plan banaya. Hum Santacruz Station par mile n waha se Choupati gaye rickshey me bus hum dono ek dusre ko dekhe jaa rahe the, Main uski aankhon me woh dard saaf dekh sakta tha. Maine uska hath apne hath me liya aur use tasalli di.

Hum jaise h juhu pahunche ek shant si jagah par baith gye bhut dur. Ab humne ek dusre se shadi k topic par baat ki aur koi results pe hum nahi pahunch paa rahe the kyunki yeh hum dono k liye bhut mushkil tha aur Aaliya kabhi apni mummy ka dil nahi dukha sakti thi. Finally hum is decision p aaye ki jab tak hai tab tak ek dusre ka saath nahi chodenge aur sab kuch upar wale k bharose chod diya n maine kaha Jaan aap 3 saal wait karlo Main aapke alawa kisi aur ka soch b nai sakta. Usne kaha Main koshish karungi kyunki sab mummy k hath m hai n daddy k jaane k baad mummy ne hi sab kuch kiya hai.

Us din se uski izzat meri nazar me aur badh gyi kyunki Maine pehli baar kisi ko dekha tha, familiy ki khushi k liye apni khushi kurbaan karte. 4 mahino baad usne bataya k uska rishta uski mummy ne gaon Main relative se kar diya hai. Aur next month shayad gaon jaa rahe hai shadi ke liye. Maine yeh sunte hi phone cut kar diya aur phek diya aur letkar bhut roya, aisa lag raha tha dil me bhut dard ho raha h lekin Maine apni jaanu k baare me nahi socha k uspe kya beet rahi hogi shayad kuch pal k liye Main khudgarz hogya tha. Maine rote huye phone thik kiya aur phone lagaya saamne se choti sister ne phone uthaya. Maine kaha Aaliya kaha hai? use phn do usne kaha jiju baaji ko bht tez bukhar hai aur eyes me infection ho gya h abhi ammi doctor k paas lekar gayi hai.

Isse bura mere saath aur kya ho sakta tha mujhe bus apni Aaliya se milna tha Maine uski sis se kaha k plz jab wo aaye phone karke baat karaana aur fauran apne jiju se bike maangkar uski ghar ki taraf nikal pada badkismati shayad mujhpar haawi thi aur Maine bike chalate waqt bike mujhse slip ho gyi aur Main bike lekar gir gaya, jaha gira waha kuch pehchaan ke the unhone foran abba ko phone kiya aur jab mujhe nazdiki Hospital lekar jaya gaya aur Main right side gira tha to right hand se bleeding thi aur poora fracture ho gya tha aur mera phone bhi switched off tha aur ghar me tha. Jaise hi hosh pura aaya to gharwalo ne pucha to bus meri aankhon se aansu nikal rahe the aur ghar pe bataa bhi nai sakta tha.

Maine kisi tarah fauran mobile mangwaya aur Main Aaliya ko bataa bhi nai sakta tha ki mera accident ho gya aur hospital se Main ghar aane laga mere pure hand par plaster tha. Maine  himmat karke ek message kar diya agle din ki mera accidnt ho gya hai lekin kaha k halka sa hand pe chot lagi hai. Doctor ne 45 days ke baad plaster kholne ko kahaa tha aur Main apni jaan ko dekhne ke liye tadap raha tha.

Tabhi ek phone aaya Maine recieve kiya phone par uski choti sister thi humne thodi baat ki fir usne phone liya aur Maine halki si smile ke sath use salam kiya, usne bahut baithi aawaz me jawab diya n puchne lagi kya hua. Maine kaha kuch nahi chota sa accidnt hua h usne kuch nahi kaha aisa lag raha tha maano meri Aaliya ro rahi thi. Maine uski tabiyat puchi usne kaha sab thik hai bus ek tu nahi hai. Main kuch keh nahi paya. Aur kaha ab phone rakhta hu thodi der k baad baat karta hu. Meri himmat nahi ho rahi thi ke shadi ke baare me puchu ki kya hua. Hum sham me chat pe mile fb par aur usne kaha bus 1 month hai mere paas aap mujhe apna banakar le jao.

Maine usse kaha Main try karunga n Maine kaha aap apni mummy se baat karo to usne kaha aap pehle baat karo aapke gharwale approve karle to hum bhi kuch kar sakte hai. Main kaha thik hai. Aur Main apne ghar me eklauta beta hu meri 3 sis h badi sab ki shadi hogai hai. Mere daddy yeh sab k khilaf bhut sakht h hamare khandan m ladke ki age zyada ho to chalega but ladki ki zyada nahi honi chahiye. Ab Main bhut gehri soch me tha wajah yeh thi ki meri padhai start thi use khatam hone me ek saal lagta aur naahi Main abhi tak apne pairo par khada tha. To bhi Main apni badi sis k paas gaya aur socha k usko batadu Maine kaha k mujhe koi pasand hai itna kehna tha ki usne mujhe chup karaa diya aur kaha abhi yeh sab mat soch padhai karle aur daddy ko pata chalega to bhut bura hoga.

Main zyada idhar udhar bhi nahi kar sakta tha kyunki mere hand pe plaster tha. Apni sis ki baat sunkar Main thoda darr gaya. Maine socha agar sister itna boldi to daddy kya karenge. Main bus usi k baare me sochta rehta 5 din ho gaye the Maine un 5 dino me Aaliya se zyada baat nahi ki thi aur use plaster k baare m bhi nahi bataya tha. Uske baad jab Maine baat ki to usne kaha mummy ne date fix kar diya 1 month baad ka aur gaon jaane ki taiyari kar rahi hai aur uski aawaz me bhut dard tha aur pucha Aapne baat ki?. Maine kaha ki koi faayda nahi hua gharwalo nhi mane. Fir Main apne aapko rok nahi paya aur Kaha hum milenge bhut jald usne kaha plz zyada der mat karna.

Jab se hame nikah ki baat pata chali na wo khushi se baat kar paati thi aur naa Main. Maano hum baat nahi ek dusre ko tasalli de rahe hai. Mere ghar me mere relationship ke baare m sirf mere ek frnd ko pata tha aur thoda bhut badi sis ko. Woh roz kehti thi kab miloge aur mera yahi jawab Aaya bahut jaldi. Din beet ta gaya aur ab uske gaon jaane me 2 din bache the aur mere plaster ko abhi bhi time tha khulne ko. Finally Maine haa kaha aur kal milne ka plan bnaya wahi jaha pehli baar mile the college me kyunki use college se LC lene jaana tha. Jaise hi humne ek dusre ko dekha bina kisi ki parwaah kiye ek dusre ko hug kiya.

Jaise hi humne ek dusre ko dekha bina kisi ki parwaah kiye ek dusre ko hug kiya

Usne haath par plaster dekha aur uske aankhon se aansu nikal rahe the. Maine uska aansu pocha aur use accident k baare me bataya aur maafi bhi maangi aur usne mere muh pe haath rakh diya aur kaha plz arhan aap maafi mat maango. Main har ek pal us din apni Aaliya ke sath jina chahta tha. Aur us din Main Aaliya ke liye koi gift bhi nahi le jaa sakaa.

Humne college se L.C liya aur waha se nikalkar campus me baith gaye. Hum bus us din ek dusre ko dekh hi rahe the aur uske aansu band bhi nahi ho rahe the. Maine usko manaya tab jaake uske aansu ruke aur shayad Main bhi ro raha tha. Aur usne kaha aap kabhi mat rona n ammi abba ka khayal rakhna aur career pe dhyan dena aur Third Year me acche % se paas hona yeh uske liye sabse bada gift hoga aur sath hi me usne apne bag se ek chota sa gift box diya. Main bus uski baat sunta jaa raha tha aur kuch mere muh se nikal hi nahi raha tha aur use hi dekh raha tha aur soch raha tha yeh waqt yahi ruk jaaye. Aur Maine uska hath pakda aur apne sir par rakha aur kasam khane ko kaha ki wo bhi khush rahe usne kasam nahi khayi but promise kiya ki try karungi jeene ki. Waqt zyada hogya tha uske ghar se phone aa raha tha. Ab hamare bichadne ka waqt aaya aur humare aankho me sirf aansu the

Maine use station tak choda aur hum waha se alag huye aur phone pe baate karne lage waise sirf phone ki line shuru thi naa wo kuch keh paa rahi thi aur naa Main. Hum aise hi ghar pahunch gaye. Hum dono apna dard ghar par chupa rakhe the sirf uski choti sister ko pata tha mera to wo haal tha ki kisi ko bataat bhi nahi sakta tha bus apne room me leta rehta aur rota rehta. Jab use jaane ka din aaya usne kaha ki aakhri baar wo mujhe dekhna chahti hai aur borivali station pe bulaya tha lekin uski train subha 7 baje ki thi. Maine kaha thik hai Main aa jaunga. Lekin Main kaise jaa paata, kyunki upar m sota tha aur jaane k liye 5.30 ko mujhe ghar se nikalna padta lekin daddy niche sote the unse kya kehta itni subah kaha jaa raha hu kyunki utne time thoda andhera bhi rehta tha.

Main nahi jaa paya aur shayad woh mere life ki ek badi galti thi. Uske baad se Maine Aaliya ke no pe phone bhi lagaya aur uske mummy ke no. par bhi but sab switched off the. Maine fauran fb khola to dekha uska message tha k jaanu aap nahi aaye apko dekhna tha aur miss u n love u aur jaldhi milenge fb p aisa message tha. Maine socha gaon pahunch kar Wo message karegi but agle 15 din tak har pal uski yaad aur next message ka wait kar raha tha 16 days k baad usne post kiya hamare group me jisme likha tha “JAANU HAMARE SAATH AISA KYUN HUA” mera reply tha shayad iska jawab mere paas bhi nahi aur uska comment aaya ki jald baat karenge agle 1 mahine tak na koi message aur naa koi call aaya.

Main puri tarah toot chuka tha aur 3rd semester me Main 4 subject me fail ho gya tha aur bhut smoking karne laga tha fir Maine uske ghar ka no. try kiya uski choti sister ne phone uthaya aur Maine pucha to kaha ki kuch der k baad apko phone  karti hu kyunki ghar pe mummy thi. Phir kuch der intezar karne k baad uska ph aya par Maine cut karke khud kiya. Aur haal chaal puchne lagaa usne kaha sab thik hai n Aaliya ke baare me pucha to usne bataya wo Gaon me hi hai aur zyada kuch nahi bataya aur kaha ye 9 ko wo mumbai aa rahi hai. Maine phone cut kiya aur mujhe re-exams dene the sab paper ke Main uski tayari karne laga kyunki mujhe uski har khwaish puri karna chahta tha jo jo usne kaha tha aur 9 ka wait karne lagaa.

9 ko bhi koi phone nahi aya Maine 15 tak wait kiya aur jab exam deke ghar aa raha tha tab mere phone par uski mummy ke no. se missed call aaya. Maine fauran phone kiya usne salam kiya n maine jawab diya aur wo khamosh ho gai fir Maine pucha kaisi ho to usne kaha thik hu aur aap kaise ho. Apni jaan ki baat sunkar mujhe aisa laga maano jaise wo meri Aaliyaa hai hi nahi. Hamare paas baat karne ke liye kuch tha hi nahi kyunki ab hamare beech shayad kuch nahi baaki tha.

Usne bhi mummy daddy n sabki khabar puchi aur Maine jawab diya usne kaha ek hafte k liye mumbai aayi hu aur saath me wo bhi aaye hai. Main zyada kuch nahi keh paya aur bus phone rakhte waqt miss u a lot L kaha. Uska reply aaya “Aur kuch nahi kehna hai” aur Maine kaha ki shayad ab mera hak nahi h wo kehne ka. Aur mujhe lag raha tha wo ro rahi thi Maine kaha – “Aap ro rahe ho” usne kaha nahi aur kaha k ab wo phone rakhti hai fir kbhi karegi.

Humne phone rakh diya. 5 din baad fir uska phone aya aur shayad wo hamara last phone call tha usne mujhse bhut normal behaviour ke saath baat ki aur mujhe fir se bhut samjhaya jo pehle samjha chuki thi. Humne thoda baat kiya aur usne kaha subah wo hamesha ke liye shayad gaon jaa rahi hai. Aur usne rote rote i love u kaha aur Maine jawab diya. Phir usne kha Allah hafiz.

ek dusre ko chahne waale Hamesha Ke liye alag ho gaye

Us din ke baad aaj 4 month ho gaye hai aur hamari koi baat nahi huyi kabhi. Mahine me ek baar uske ghar phone karke choti sister se baat karke uski khabar khariyat puch leta hu aur wo meri lekin uska jawaab har baar yahi rehta hai k baaji bhut khush hai aur thik hai.

Ek din Maine use uski baaji ki kasam di ki – “kyun uska jawab yahi rehta hai k baaji khush h to usne bataya k shadi se pehle kahi ki jab bhi Arhan ka phone aaye to yahi kehna aur usne fir bhi yahi kaha k thik hai aur khush hai. Maine bhi use kasam di k kabhi Aaliya ko ye mat batana k main tumhe phone karta hu aur uske baare me puch ta hu…

Dosto aaj 4 month ho gaye hai aur aaj bhi Main har subah apna cell pe ek baar msg aur fb check kar leta hu k koi to Message aaye. Main aaj bhi pachta raha hu k kaash Main us waqt nai darta aur ghar pe baat ki hoti to shayad aaj meri life kuch aur hoti.. Ye jo maine apne baare me bataya hai iska sirf ek hi maksad hai ki aap mere jaisi galti mat karna.

Main har din har pal pachta raha hu aur use hi yaad karta hu. AND I LOVE U SHONA SO MUCH. Ab life ka ek hi maksad hai jo usne kaha tha use pura karna aur un yaadon ke sahare Main apni puri life bita sakta hu. Aur maafi chahunga dosto agar mere likhne me kuch galti ho gai ho to. Bus itna aim hai ki aap wo galti mat karna aur han meri Aaliya ke liye plz dua karna wo jaha bhi rahe khush rahe aur mujhe bhul jaye”.

Jaate Jaate meri jaan ke liye ek sher Arz hai..

इश्क का ये राज कभी किसी को मत बता देना,
दिल में नहीं तो अश्कों में छुपा लेना।
कोई हवा का झोंका था जो छूकर निकल गया,
इस कद्र मेरी जान मुझे भुला देना॥

Good Bye
Allah Hafiz.

Agr aap kuch puchna chahte hai ya koi salah dena chahte hai to aapka swagat hai. Aap apni baat niche diye gye comment box ke through hum tak phucha sakte hai. Iske alawa ydi aapke paas koi story hai share karne ke liye to hume zaroor bhejein, hum aapki khani apni is website par share krenge. 🙂

31 Comments

Add a Comment