Main Use Pyar Karta Hu Par Vo Samajhti Nhi

Lo Doston! Pyar aur rishte ke Sawal jawab me ek aur sawal hajir hai. Humare Kolkata ke ek dost aaj kal bahut preshan chal rhe hai aur unhe kuch samajh nhi aa rha ki unhe kya karna chahiye aur kya nhi. Samasya bahut hi filmy kism ki hai. Vo kisi ko dil de baithe hai aur jise vo apni Dil wali kothi me bithana chahte hai vo kuch aur hi raag alap rhi hai. Vo humse janna chahte hai ki unhe ab kya karna chahiye aur kya nhi. To aayiye doston hum apne friend ki samasya ko jaane aur unko behtar se behtar salah Dein…


Main Use Pyar Karta Hu Par Vo

Main ek ladki se 1 saal se baat kar rha tha…. uske sath tution me bhi padha tha lekin us time usse koi khas jaan pehchan nhi thi. Fir jab 12th class ke bad tution jana band ho gya toh maine us ladki ko facebook par friend banaya. Phir hum bahut ache dost ban gye, Aur fb, whatsapp aur mobile pe baat hoti thi lekin bahut hoti thi. Dekhte dekhte ek saal ho gya aur mere man me uske liye feelings arise hone lgi… Main usse pyar karne lga. Tabhi ek din baat baat me usne keh diya ki – `Vo mujhe bhai jaisa manti hai`.

Ye sun kar mera dil tut gya, aage kya karu kuch samajh me nhi aaya to phir 4 – 5 din toh baat band kar diya aur phir mujhse rha nhi gya usse baat kiye bina aur main uski bahut care bhi karta tha toh maine usse vapas baat karni start kar di…aur aaj bhi baat kar rha hu.

Main Use Pyar Karta Hu Par Vo samajhti nhi sad boy standing alone Image

Karib 6 months ho gye jab usne kha tha ki vo mujhe bhai manti hai toh main beech beech me gusse me baat band bhi kar deta hu. Kabhi kabhi to mahine bhar baat nhi krta. Lekin phir control nhi hone pe krne lgta hu…. aur aisa sirf isliye kyuki main uski bahut care karta hu. Uske jyada friends nhi hai aur vo bahut akeli akeli hai. Mere alava kisi se kuch share bhi nhi krti. Mujhse sab kuch share karti hai…. isliye…lekin Main usse bahut pyar krta hu… Aur samajh nhi aa rha ki kya kru. Use bhul jau ya kuch aur karu. Bhulne ke liye baat karna band krna hoga… Please suggest me Main Kya Kru ?

Use Apni Dil Ki Baat Khul Kar Btao

Dekho friend aapki pyar ki problem hume samajh aa gyi hai aur ab hum jo aapko batane ja rhe hai vo dhyaan se padho aur dimag me daal lo. Tum use bhut pyar karte ho ye baat theek hai par vo is baat ko theek se nhi janti. Isliye ye tumhari duty hai ki us tak ye baat saaf saaf clearly phuchao. Use ye baat puri taraf pata chalni chahiye ki tumhare man me uske baare me kya khayal hai. Tumne kha vo tumhare saath sab share karti hai aur kisi ke saath kuch share nhi karti, ye tumhari galat fehmi ho sakti hai. Lekin isse jyada fark nhi padta.

Ab tum karo ye ki jab next time usse baat karo use bolo..

Mujhe tumse ek bahut serious baat karni hai. Dekho mujhe nhi pata ki tum humare is rishte ho kaise dekti ho, dosti manti ho ya friendship ya kuch aur. Lekin mere dil me kuch hai jo main bhut time se tumhe batana chahta hu aur ab mujhse rha nhi ja rha so ab batana chahta hu. Baat ye hai ki… Main tumhari bhut care karta hu, tumhe bhut like karta hu aur Mujhe tumse pyar hai. Ab se nhi kafi pahle se hai but main ye baat kahne ki himmat nhi kar pa rha tha lekin aaj khe bina nhi reh saka.

Itna likh kar tum use bhejo, Apni taraf se editing kar lena aur agr kuch aur bhi kehna chahte ho to add kar dena. Fir vo kya response deti hai us par depend karta hai ki tumhara relationship kis taraf ja rha hai. Agar uske dil me bhi tumhare liye pyar hoga to vo jrur postive reply kregi aur agr kuch aur baat hogi to vo bhi khul kar bta degi kyuki tumne khul kar sab kha hai.

Uske baad tum par hai ki tum uske faisle ko accept karte ho ya fir ek filmy aashiq ki taraf uska picha karte rhte ho. Uske liye tadapte rhte ho. Khair ye sab baat baad me krenge, pahle use jo maine btaya vo bhejo aur dekho vo kya kehti hai.

Doston ye to thi meri salah apne friend ke liye jo bechare pyar ke ek jaal me fase huye hai. Agar aapke paas unke liye koi suggestion ho to jrur share kare ho sakta hai humare dost ki help ho jaaye aur ek dil tutne se bach jaaye. Aapki apni is Love & Relationship Tips site par Sache pyar ki, Tute Dil ki khani bhi hai aur health tips bhi. So enjoy Life. Be Happy 🙂

94 Comments

Add a Comment