Main Bahut Patla Hu, Body Kaise Banau

Aaj kal ke bhaagte huye time me logon ko health problems bhut hi jyada hone lage hai. Iska karan hai, logon ka busy schedule. Apne vyast life style ke karan, log na theek time par khana khate hai aur na na hi theek time par sote hai. Sab kuch idhar udhar hone ke karan Health par bhut bura asar padta hai. Jo log ye baat samajhte hai vo to sab kaam shi time par sahi tarike se karte hai hamesha fit rahte hai par bhut se log ya to shi cheezon se anjan hai ya jaan kar bhi susti ki vajah se aneko bimari se ghirte ja rhe hai. Yhi karan hai kuch log jrurat se jyada mote ho jaate hai to kuch umeed se jyada patle. Pichle kuch dino se bhut se log mujhe comments and email se ek common sawal puch rhe hai ki, `Main Patla hu, Achi Sehat Kaise Banau` so aaj main, Patle Log Health Kaise banaye topic ke baare me detail me baat karne waali hu.

Health related is article me maine bhut saari Health tips aur jruri baatein share ki hai jinse sabko bhut fayda milega aur in tips ko shi tarike se follow karne par aap bilkul Fit aur Tandurust ho jaoge, ye meri guarantee hai. To ab seedha topic par aate hai..

Patle Log Achi Sehat Kaise Banaye

Doston kisi bhi problem ka acha ilaaj tabhi kiya ja sakta hai jab us problem ke hone ka reason pata ho. Isliye main, Dubla Patla rahne ke karan aur unke shi ilaaj ek saath discus kar rhi hu taki aapko problem bhi samajh aaye aur uska shi tarike se ilaaj kaise kiya jaaye vo bhi pata chale.

Main Bahut Patla Hu Achi Sehat Kaise Banau Tips in Hindi Me

1. Consult Doctor

Sabse pehla aur jruri point, Agar aapko lagta hai aap healthy khana khate ho aur acha life style jeete ho (shi time par uthna, shi time par sona, shi time par khana khana) fir bhi aapki sehat nhi banti aur aap bhut kamjor mehsoos karte ho to aapko sabse pahle ache doctor se consult karna chahiye. Bhut saare log doctor ko dikhane ke naam par Chemist waale se kuch tablets aur Syrup le aate hai, jo ki bilkul galat hai. Aapko ache doctor ko dikhana chahiye, kyunki Sehat se khilwad karna bhut mehanga sabit hota hai future me, isliye acha hoga ki problem shuru hone se pahle hi uska shi karan jaan kar ilaaj kar diya jaaye, taki aap hamesha apni zindgi khushi se bina kisi preshani ke gujar sako.

2. Jeans Ki Problem Ho Sakti Hai

Kuch logon me dublepan aur patlepan ki problem family (mata – pita) ke jeans ke karan bhi hoti hai. Agar parents ya mata pita me kisi ki health achi nhi rahti to iska asar unke bachon par bhi jo sakta hai. Is tarah ke case me bhi log btate hai ki vo acha healthy khana khate hai fir bhi unki health nhi banti. Aise me logon ko apni Diet badalni chahiye, matlab jaisa aap shuru se khaate aa rhe hai usse hat kar alag cheeze khana shuru karna chahiye, isse bhi fark padta hai.

3. Absorption Problem

Kyi baar aisa bhi hota hai ki, log khana to bhut khate hai fir bhi duble patle aur kamjor rahte hai iska ek karan ye bhi ho sakta hai ki unki intestine (आंत) khane ko theek tarah se nhi pacha paati hai aur khane se proper Vitamins aur Proteins theek se nhi shokh paati hai jis karan insan ko hamesha patlapan aur kamjori rehti hai. Is problem ko khatam karne ke liye doctor ki salah ko theek se manna chahiye aur Dr. ki salah ke anusar dawai khani chahiye.

4. Digestive Problems

Kuch log kisi reason se theek se khana hi nhi kha paate hai, jaise agar kabhi thoda jyada khana kha liya  to indigestion (अपच) ho jaati hai. Agar theek time par theek khana na khaya jaaye to problem aur badh jaati hai aur fir shi khana khane par bhi shareer ko uski jarurat ke hisab se sab kuch nhi mil pata hai. Is tarah ki problem hone par aapko ye dhyaan rakhna chahiye ki aap kitna khana khate hai to aapka hajma Digestive system rehta hai aur usi ke hisab se khana peena chahiye. Jo cheeze aapko hajam nhi hoti usse dur hi rehna chahiye aur Dr. se puch kar choorn (चूर्ण) lena chahiye. Jab tak khaya hua khana theek se pachega nhi tab tak aapki body theek se grow nhi nhi kar payegi.

5. Khoon Ki Kami

Agar insaan aneamic (khoon ki kami) ki samasya se gujar rhe hai to bhi unki sehat nhi banti. So iske liye bhi jruri hai ki shi time par ache doctor se check up karwaya jaaye aur Khoon ki Kami ko jald se jald pura kiya jaaye. Ek baar ye problem solve ho gyi fir sehat dheere dheere banne lagti hai aur insaan puri tarah se healthy ho jaata hai. Shareer sudol aur tagda dikhne lagta hai.

6. Unknown Cause

Is tarah ke mamlon me na to insan ko koi absorption problem hoti hai, na digestive problem hoti na hi khoon ki kami aur fir insan behad dubla patla rehta hai, halanki vo puri tarah swasth aur active hota hai fir bhi shareer kamjor dikhta hai. Is tarah ke case me ghabrane ki koi jrurat nhi. Niche diye gaye Achi Sehat Ke Liye Special Tips ko follow karke ye samasya dur ki ja sakti hai.

6. Galat Ilaaj

Kuch log aise bhi hote hai jinhe pata hota hai ki, unhe kya problem hai aur kis karan se unki body theek se badh nhi pa rhi hai aur unki achi sehat nhi ban rhi hai. Fir bhi vo us karan ki taraf dhyaan nhi dete aur jaan-bujh kar anjan bane rahte hai aur faltu ke products try karte rahte hai ye soch kar ki kya pata isse kuch fayda ho jaaye. Un logon ko ye samajhna chahiye ki jo problem hai usi ka ilaaj karne se unki samasya dur hogi, faltu ke health products ya weight gain se unko koi fayda nhi hoga, balki ulta use side effects ho sakte hai aur dimag par jor padega aur jyada preshani badhegi. Weight gain products kuch time ke liye aapko acha results de sakte hai par baad me unke bahut se side effects hote hai jinke karan serious health problem jaise ki Kidney Stone, Sanson ki Beemari bhi ho sakti hai.

7. Shi Neend Ya Puri Neend Na Lena

Neend ka humare health par seedha effect hota hai. Kuch log jante huye bhi is cheez ko ignore karte hai jis karan unhe hamesha health related problems rehti hai. Achi sehat ke liye Aapko 8 ghante ki achi neend leni chahiye. Sone ka bhi ek time aur tarika hota hai agar vo tarika theek se apnaya jaaye to fayda jyada milta hai. Sone ke liye uttam time hai raat ke 9 baje se subah ke 5 baje. Agar aap rat ko 12 baje so kar subah 8 baje uthoge tab bhi neend to 8 ghante ki hi huyi prantu ye time galat hai. Ayurved ke hisab se hume subah suraj nikalne se pahle hi uth jana chahiye. Sote samay apna sir purab (East) ki taraf rakhe to uttam adhik labh milega.

8. Morning Walk Aur Exercise

Subah 5 baje uthne me shuruwaat me thodi bahut preshani ho sakti hai par aadat banane se kuch bhi muskil nhi hogi. Subah uthte hi 2-3 glass paani piye, dhyan rhe paani thanda nhi hona chahiye. Paani peene ke baad khuli hawa me walk ke liye jaaye. Halki exercise aur Pushups karna shuru kare. Body ko ache se stretch kare aur halki fulki yoga kare. Ye vo point hai jiske baare me jante sabhai prantu karte bhut kam log hai, aur yhi karan hai ki sirf bhut kam log hi aaj kal puri trah se swasth hai.

9. Shi Tarike se Khana Aur Peena

Khana khane ka ek shi tareeka aur shi time hota hai. Subah ka khana suraj nikalne ke 2  ghante ke andar kha lena chahiye aur subah pet bhar kar khana chahiye. Dopahar ko subah se thoda kam aur raat ko bilkul kam khana chahiye. Matlab yadi aapne subah 6 roti khayi to dopahar ko 4 ya jyada se jyada 5 roti khao aur raat ko 2 ya 3. Iske alawa khane ke turant baad ya pahle paani peena Zahar ke barabar hai. Khane se kam se kam 40 minute pahle aur 1 ghante baad hi paani peena chahiye, ydi aapko iski aadat nhi hai to dheere dheere shuru karo aur aadat banao, kyunki ye cheez sabse jaruri hai. `Healthy Aur Fit Kaise Rahe` post me maine detail me sab kuch bataya hai so aapse ye meri request hai ki aap is post ko jarur padho aur jo jaise bataya gaya hai us tarah se follow karna shuru karo.

10. Masturbation mat (Kam) Karo

Ek baat aap jitni jaldi samajh lo aapke liye utna hi acha hoga. Agar aap jarurat se jyada masturbation (हस्त-मैथुन) karoge to aapka Shareer aur Stamina shi tarah se kabhi nhi badhega. Aap hamesha kamjor aur beemar mehsoos karoge. Jrurat se jyda Masturbation se insaan ko susti bahut aati hai aur hamesha kamjori mehsoos hoti hai. Kuch log aapko khenge ki isse kuch nhi hota par, lekin limit se jyada jaise ki roj-roj ya din me baar baar aisa karne se body aur health par iska negative asar jarur padta hai. Isliye bahut jyada Masturbate na kare, Jyada se jyada week me ek baar.

Iske saath saath agar aap constipation (कब्ज) ki samasya se gujar rhe ho to pahle aapko कब्ज ka ilaaj karna hoga, jo ki bilkul bhi muskil nhi hai bas aapko doctor se mil kar apni samasya batani hogi. Main fir keh rhi hu aap ache doctor se consult karna, aise hi kisi Chemist waale se goliyan le kar khana mat shuru kar dena. Agar aapko kam bhookh lagti hai, ya aapko TB ki problem hai ya fir pet ki keede hai to aapki sehat nhi banegi chahe aap jo marji jitna marji kha lo. To jruri hai ki sabse pahle aap in problems ka ilaaj karo, fir aap dekhoge ki bina kuch special kiye hi aapki sehat me improvement hone lagegi.

Achi Health Ke Liye Kuch Special Tips

  1. Aap sone se pahle ek Zentel tablet le sakte hai. Dusri dose ek hafte ke baad li ja sakti hai.
  2. Zandu Kesari Jeevan 1 chamach daily, 6 – 8 month tak.
  3. Lunch aur dinner ke baad Drakshasav 4 spoon paani ke saath.
  4. Ashwaganda choorna ghee, sehad (शहद) ya doodh ke saath din me 3 baar.
  5. Subah aur shaam ko Divya rasayan vati 2 tablets with milk.
  6. Ek chamach Methi seeds (मेथी के बीज) paani ke saath.
  7. Revital capsule for 3-4 months.
  8. Breakfast ke baad 2 banana with milk.
  9. constipation (कब्ज) hone par Isabgol ki bhusi (dabur nature care) garam paani ke saath.
  10. Ghee/honey/fruit/dry fruit/salad/curd/milk ko apni diet me jyada lena shuru karo.
  11. Roj kam se kam 30 minute exercise karne ki aadat daale. Shuru me halka walk jarur kare.

Special tips for girls : Breast Size Kaise Increase Kare

Main aapko yakeen dilati hu ki agar aapne bas itni si cheezon ka khyal rakha aur jaisa Healthy Aur Fit Kaise Rahe me bataya gaya hai us tarah se khana peena shuru kiya to, Aapko bahut jaldi hi positive result dikhne shuru ho jayenge. Kisi bhi tarah ka koi sawal ya doubt ho to aap kabhi bhi comment karke phuch sakte ho. Is tarah ki aur jankari ke liye Health Tips jarur dekhe.

292 Comments

Add a Comment