Ladki Na Koi Jawab Deti Hai Na Dekhti Hai

Hey Guys… 🙂 Aaj Pakistan se humare ek dost ne bahut hi serious question pucha hai aur humse pucha hai ki ab `Main Kya Kru?` Vo bachpan se ek ladki se pyar karte hai par kisi unknown (anjaan) karan ki vajah se vo ladki ab humare friend se baat nhi kar rhi hai, na hi unki taraf dekhti hai. Short me kaha jaaye to totally ignore karti hai. Aayiye hum ek saath unka sawal padhte hai aur unki kuch help karne ki kosish karte hai.

Unka Sawal kuch yun hai..

Main sikeeladho Pakistan ka rahne wala hu, aur meri age 19 year hai. Main ek ladki ko us waqt se chahta hun jab wo 5th class me thi aur main 9th class me tha. Mere gaon me meri dukan bhi hai aur main use chahne laga. Maine socha ki propose karu magar darta tha ki kahi vo apne ghar walon ko na bata de. Uske gharwale bahut gande kisam ke log hai, barhaal Main use chahne laga. Ek din gali ke kutte use Kaat rahe the to Maine use un kuttoun se Bachaya, Maine socha ki purpose karne ka isse acha mauka nahi millega. So maine purpose kar diya…. par Usne inkaar kar diya 🙁 . Phir dheere dheere wo mujhse dosti karne lagi meri dukan uske ghar ke samne hi hai so wo mere dukaan pe aati thi koi bhi cheez kharidti thi, main use paise bhi nahi leta tha. Uske baad main 24 ghante us ke samne baitha rahta tha, waqt guzarta gaya guzarta gaya, aur Main samjhta tha ki wo bhi mujhse pyar karne lagi hai.

Achanak wo mujhse dur hone lagi, dheere dheere main use bahut chahne laga aur wo mujhse dur hoti chali gayi. Wo mujhse nafrat karne lagi wo baat bhi nahin karti thi. 5 saal se uski mintein ki, hath jode, paaon pada ki kiyu naraz ho par wo baat bhi nahi karti, uske ghar ka aana Jana bhi band ho gaya aur uske ghar walon ko mujh pe shak hone laga aur wo school chodne khud jaate the.

Ab school bhi nahin jaati, shaam ko ek gali se guzarti hai tabhi main usko dekhta hu aur shaam ko vo kabhi kabhi flat ke chat (roof) pe chadhti hai, aaj tak bhi mintain karta aa raha hun par wo response nahi deti.

Ladki Koi Jawab Nahi Deti Kya Karu Samajh Nhi aata

Use dekhta hun to dekhti bhi nahi. Kya karun, har tarika aazma chuka hun raat ko neend bhi nhi aati. Meri mohabbat ka kaise yakeen dilaun aur wo mujhse abhi tak naraz hai ab uske bina chain bhi nhi aata kiya karu?

Please Shivshi Ji bataio Main Kya Karun. Plz..

My Answer…

Hello Dear, dekho usne achanak se aapse bat karni band kar di aur uske baad itna time gujarne ke baad bhi ab tak aapse koi baat nhi karti to iske peeche jo reason mujhe najar aata hai vo hai, Family Pressure. Aisa nhi hai ki us ladki ne aapko koi dhokha diya ya kuch aur but 90% chances hai ki, uske ghar waalon ko aap dono ke guftgu ki khabar lag gyi hogi aur uske baad uske ghar waalon ne use kuch dhamki di hogi. Jaisa ki aapne bataya uske ghar waale ghatiya kisam ke log hai to jarur unhone use kha hoga ki – Agar vo aapse fir mili ya koi baat ki to uska aur aapka hashar bura hoga. Ladki samajhdar thi isliye usne aapse aisi koi bhi baat huyi hogi to nhi btayi kyunki ladkon ko agar aisi baat batayi jaati hai to vo apna kuch na kuch dimag chalate hai jis karan baad me unhe bahut problems jhelne padte hai, so us ladki ne chup reh kar aapko ignore karna hi behtar samjha hoga aur isi karan aapko koi response nhi deti. Maano ya na mano ye ya fir isi tarah ki koi na koi bat huyi hogi.

Aur agar maan lete hai ki aisi koi baat nhi huyi ho to, fir ek hi baat ho sakti hai… Vo kisi aur ko pasand ya pyar karti ho aur apne relationship ki vajah se aapko avoid karti ho. Halanki iske aasar bahut kam hai par fir bhi chances hai.

In dono me se hi koi reason hoga isliye vo aapko na koi response deti hai aur na hi dekhti hai, because dono ki case me use aapse dur rehna hoga. Aur jha tak rhi baat uske naraj hone ki to iske chances nhi hai because aapne uske saath kuch aisa nhi kiya jiske karan naraj hua jaaye aur narajgi itni der tak rakhi jaaye.

Lastly, ab bachti hai baat ki, Aap kya karo. To dost, reason chahe jo bhi ho aapne jab uski itni minnat kar li aur vo response nhi de rhi to main ab aapko ek hi salah dungi ki, us ladki ki vajah se apna aur waqt jaaya na karo. Jitna kar liya vo bahut hai ab aur mat karo. Ye zindgi bhagwan ne aapko di hai iska shi istemal karo aur ise khushi se jiyo, aur dusron ko khush karne ke liye jiyo. Zindgi ka maksad hota hai… khud ko aur apne parivar ko khush rakhna, aur fir agar kar sako to dusre ki help karna. Mere saath jo hua vo aapse khi jyada bura tha aur ek waqt main depression me ja chuki thi but see I’m fine aur iska reason sirf apna mindset theek karna hai.

Apni Zindgi ka ek maksad banao aur uske liye utna socho jitna abhi tak us ladki ke liye sochte aaye ho. Us sapne ke upar din raat kaam karo, kuch banne ki socho aur mehnat karo. Aisa waqt laane ke liye apni mehnat lagao ki ek din aapke Ammi – Abbu garv se keh sake aap unke bete ho, tab aapko ehsas hoga ki sachi khushi kya hoti hai aur fir main bhi proud ke saath keh sakungi ki maine aapki help ki thi aur aapko sahi rasta chunne me saath diya tha.

That’s it. Mere paas kahne ke liye aur kuch nhi hai, I hope you’ll understand and go to the right track. Best of Luck. Bhagwan aapko hamesha khush rakhe.

Friends agar aapke paas humare dost ke liye koi acha answer ya koi achi salah ho to jarur de. Aur ye bhi jarur bataye ki jo maine salah di vo aapko shi lagi ya nhi. Thanks. Love ♥

38 Comments

Add a Comment