Ladki Ko Khush Karne Ke Tarike

Namaskar Bhakton! Sabhi majnuo ko Dhongi Baba ka Pyar bhara Aashirwad :P. Aaj hum behad hi serious topic par baat karne ja rhe hai jisme majak ki koi gunjaish nhi hai isliye dhyaan lagao. Kyi bhakton ki premikaon ki lagatar shikayat aa rhi hai ki unke premi yaani ki hamare bhakt unhe khush nahi rakhte, aur baat-baat par unme chote bade ladayi jhagde aur man-mutaav hota rehta hai. Apne bhakton ki is harkat se ham behad dukhi aur sharminda hain. Humara dil dukhta hai ye jaankar ki humare raaj me jode dukhi hai. Sundar sundar pyari pyari ladkiyan humare bhakton se khush nhi hai. Isiliye hum aaj hum apne tamam bhakton ke liye kuch aise ilaaj khoj kar laaye hain jinhe apnane ke baad har Premi ki Premika koyal ki tarah khushi se unke hi bhajan gayengi…..

Girlfriend Wife Ladki Premika ko Kaise Khush Rakhe

Girlfriend Ko Khush Rakhne Ke Tips

1. Kabhi Bhi Shikayat Na Karein

Pyare bhakton, Girlfriend Ko Khush Rakhne Ke Tips me sabse pehla ye hai ki, kabhi bhi apni premika se kisi bhi baat ke liye koi bhi shikayat na karo. Chahe wo din raat kisi doosare mard ke saath phone pe chipki bhi rahe, ya hamesha paraye mard ki taarif kare, hamesha yaad rakho tum jitna use khush rakhoge, jitna use apna pyaar dikhaoge Vo utna tumhe pasand karegi, yadi ek baar usne tum par se apna dil hata liya to laakh koshishon ke baad bhi kabhi use na paa sakoge. Aur tab hum bhi tumhari koi madad nhi kar payenge. Yaad rahe jab galti tumhari ho to turant galti maan lo aur yadi galti uski ho tab bhi bina ek pal gabaye tumhe hi Sorry bol dena chahiye.

2. Pyare Pyare SMS aur Jokes Send Karte Rho

Apni Mehbooba ko har roz pyar mohobbat wale sms karo ye aaj kal ka love dose hai aur isse relationship hara bhara rehta hai. Use tumhare jaise sms koi na bheje iska dhyaan rakhna. Tumhare sms ki ghanti uske mobile me hi nahi balki direct uske Dilo-Dimag me bajni chahiye, aur ek baar wo ghanti baj gayi to fir to tumhari girlfriend hamesha hi khush rahegi. Sample ke liye ek pyar bhara pyara sa sms hajir hai..

Dil ki har dhadkan mein naam tumhara hai,
Har aaine mein dikhta chehra tumhara hai..
Humne to kar diya izhaar apni Mohobbat ka Jaaneman,
Ab dekhte hain kya jawaab aata tumhara hai… ♥
Wah….Wah………….. Wah… Wah……. Abe tum bhi Karo.

3. Pyaar Bhare Tohfe Dena

Mere bachchon, Girlfriend Ko Khush Karne Ke Sms bhejte bhejte ye mat bhool jaana ki, kisi bhi prem kahani me ye tohfe sabse achha zariya hote hain ye batane ke liye ki hum kisi ko kitna pyaar karte hain. Tohfon mein chipa pyaar jab aapki premika dekhegi to Vo chahe aapse kitni hi naaraz kyu na ho Vo kabhi bhi khud ko aapse door nhi rakh sakegi, aur aapke paas khichti huyi chali aayegi. Chahe to Baba ki baat likh lo.

4. Hamesha Uske Kaam Aana

Bete ye wala Ladki Ko Khush Karne Ka Tarika bahut hi zabardast hai, tumhari Jaaneman ko jab bhi koi bhi samasya ho yani kisi bhi prakar ki koi problem ho, isse pehle ki wo iske baare me tumhe bataye, tum khud hi uski sabhi samasyaon ka samadhan kar do Vo bhi turant, bina ek second gavaye. Tumhare hote huye use koi bhi samasya huyi, ye to tumhare liye bade hi sharam ki baat hai, aur Dhongi Baba ke shishya hote huye tumhara ye farz banta hai ki sabhi kanyaon ke kaam aao. Agr vo tumhari premika nhi bhi hai to tab bhi vo ek ladki hai aur hume btane ki jrurat nhi padni chahiye ki tumhe uske saath prem bhara vyabhar karna chahiye. Ache insan bano Putar Ji.

5. Khoobsurti Ki Taarif Me Kami Nhi rahni Chahiye

Bhakton, Ye baat kal ka paida hua launda bhi janta hai ki, Is duniya me Har insaan apne baare me kuch achha sunna chahta hai. Sabko apni tareef sunni duniya se sabse jyada achi cheez lagti hai fir chahe vo maane ya na maane. Aur jab baat kisi ladki ya mahila ki ho tab to Tareef ka pitara Dil khol ke lutana chahiye kyunki ladkiyon ki jitni tareef karo utni kam. Isliye hamesha apni Dilruba ki dil kholkar taarif kiya karo, use ye mehsoos karao ki tumhare liye wo kya hai. Use khul kar batao ki uski jaisi sundar kanya tumne aaj tak nahi dekhi, Kaun Aishwarya aur Kaun katreena sab uske samne chai kam paani hai. Ek baar vo lapete me aa gyi fir dekhna tumhare har ek shabd seedha uske dil par utrenge, aur jab koi baat dil pe utar jaati hai to insaan use kabhi bhi nahi bhoolta.

6. Ladki ki Baaton Ko Dhyaan Se Suno

Dekho Beta ek baat hamesha yaad rhe ki, yadi tumhari Girlfriend tumse koi baat kar rahi hai to apne saare dukh pareshani piche chodkar sirf aur sirf use hi dhyaan se suno. Bacha Galti se bhi kabhi bhi uski kisi bhi baat ko nazar anzaaz karne ki bhool na karna, yadi tumne aisa kiya to wo tumhe aise bhool jayegi jaise Neta log election ke baad apne vaade bhool jaate hai.

7. Use Izzat Pradan Karo

Sabse bada Premika Ko Pane Ka Mantra ye hai Vats ki, Hamesha apni premika ko itni izzat do, itna pyaar, dular aur samman do jitna use kabhi kisi ne nahi diya ho. Fir dekho tumhari Jaanu matlab mehbooba hamesha kaise tumhari baahon mein rehti hai.

To ye kuch phool hum apne soch ki bagiya se chun kar tumhare liye laaye the bhakton, Inhe ghol kar pee jao aur aaj se, aaj se nhi balki abhi se apne jeevan me utar lo. Ab apne param poojniya Dhongi Baba ko ijajat do Vats. Hume bhi jaana hai apni Mehbooba ko manane, tumhare liye ye phool chutne chunte hum apni Jaan se poochna hi bhul gaye ki unhone Khane ke saath Salad me kya khaya 😛 . Aate rehna, Han Han isi site par. Darshan hote rhenge. Humara bhi apne bhakton se baat karke man halka ho jaata hai.

Kisi tarah ki koi bhi samasya ho to niche diye gaye Comment box me likh do vo hum tak pahuch jayega aur hum khud uska jawab denge aur us par vichar krenge. Humare Bhakt ne apni Love story `Na Tum Bewafa Na Hum Bewafa fir bhi Mili Umr bhar ki Judai` padho aur seekho pyar kya hota hai.

Dhong Kayam Rahe.. ♥

109 Comments

Add a Comment