Kya Meri Pyaar Ki Kahani Adhuri Reh Jayegi..?

Humare dost Mr. Jeet janna chahte hai ki kya unhe apne sapno ki rani milegi ya unke pyar ki kahani bhi hajaron aashiqon ki tarah adhuri reh jayegi. Ye raha unka sawal jiska jawab maine niche de diya hai. Aur aap sab friends se request hai ki.. pls jeet ka sawal padh kar mera diya hua jawab padho and agar aapko mera jawab galat lagta hai to niche diye gaye comment box ke jariye batao. Aur agar meri di gyi salah achi lagi and aap bhi kuch salah dena chahte hai to Aapka most Welcome hai ji. πŸ™‚ Ab seedhe aate hai Jeet ki story par….

Jeet Ka Sawal..

Ek ladki hai jise Main 3 saal se pyaar karta hun, wo mujhse 4 saal chhoti hai. jab usse maine pyaar kiya tab wo 10th me padhti thi… Toh suruwat pehle iss tarha se huyi..

Vo mujhe dekhti thi our smile karti thi or main bhi karta tha. Mere ek dost ki behan uski niche ki class me padhti thi, to maine ek letter me apni dil ki saari baat likh ke use dene ke liye bola. But galati se wo letter unke teacher ke hath lag gyi jiske karan usko punishment bhi mili.

Phir uske school ke sabhi ko ye baat pata chal gyi or class ke sabhi students usko mere nam se chidhane lage… Hum gaon me rehte hain or Main nahi chahta tha ki wo meri wajah se badnam ho, isiliye maine ek saal ka break le liya. Uska picha karna aur rashte me uska wait karna sab band kar diya.

Ek saal bad use jab dekha to…. Vo phir se pehle ki tarha mujhe dekhne lagi or smile dene lagiΒ β™₯ to maine is baar khud usse baat karne ki thaan liya or mouka dhundhta raha….

Ek din maine uske saath uski cousin-sister ko dekha (jo ki 10th tak mere niche ki class me padhti thi, hamare gaon mein padhai ki but hum dono me kabhi baat nahi hui, mano hum dono stranger ki tarha the… Aur baad me bahar sehar me 5 saal padhai karke aayi thi).

To maine sochaa ki uski sistter ke samne usse baat karna thik nahi hoga, but main uss din se usko jab bhi dekha to aapni sister ke sath bahar nikalti thi. Aur mein use jab dekhne ki kosish karta to uski sister mujhe dekh ke smile karne lagti thi. But meri waali mujhe ignore karne lagi.

Kuch din aisa chala, or ek din jab usko akela dekh ke maine usse baat karne ki koshis ki…. But vo mujhe dekhke waha se chali gyi, aur ab tak wo mujhe ignore karti hai.

Uske karib jaane ki koshish karta hun to woh mujhse dur bhagti rehti hai.Β Mujhe ye pata hai ki aaj tak uska koi Bf bhi nahi hai.… Aur uski sister se Main ye sab baatein nhi keh shakta kyunki mujhe dar hai ki vo jaake uske ghar me na keh de.. Aur mere jo dost ki behen thi (jiske haath maine letter bheja tha) uski bhi koi help nahi le sakta kyun ki ab vo bahar reh kar padhayi karti hai aur mere contact me bhi nahi hai….

Toh Shivshi ji Kya isme meri koi galti hai? ya khuda ne hi use meri takdeer me nahi likha. Uske jitna bhi kareeb jaata hoon takdeer use mujhe dur kar deti hai… Shivshi ji kya meri pyaar ki kahani adhuri rehe jayegi..?.. plllzzzz help me…..

My Suggestion…

No. Aapki pyar ki kahani adhuri nhi rhegi isme dum hai aur ye aage ja sakti hai. Sabse pahle kisi bhi tarah se us ladki ka no. pata karo. Agar uska no. mil jaata hai to fir baat aasani se ho jayegi aur baat ho gyi to samjho baat ban-ne ke chances bhi bhut ho jayega. Ab karna aapko ye hai ki uska no. pata karna hai kisi bhi tarah.

Maan lo aap uska no. nhi nikal paate khi se bhi to dusra rasta bachta hai vo School ya College to jarur jaati hogi, is raste me use milne ki kosish karo. Agar mil na bhi sako to use ye jarur pata lagna chahiye ki aap uske liye roj uske piche aate ho. Lekin baat karne ki kosish hamesha karte rho, aapko mehnat karte dekh ladki ka dil bhi karega aapse baat karne ka so is tarah se baat ho sakti hai. Jaise hi vo school se nikle use dekhte rho and smile karo. Agar usne back Smile kiya to samajh lo ladki patne ke liye positive signal de rhi hai. Fir usse dosti karo and usse uska no. mango. Aur chat karo. Chat se ladki aasani se impress ho jaati hai lekin propose mil kar hi karna. Read : Propose kaise Kare – Best tips.

Jis Ladki ko Bachpan se Pyar karta hu Use kaise apni life me lau

And last…. Agar maan lo kisi karan ye bhi nhi ho paata hai to ek game bachti hai jiske risk hai par kyunki koi aur rasta nhi hai isliye yhi karna padega…. Uski cousin sister se dosti karo.. Vo aaram se aapse baat karegi, bas aapme itni himmat honi chahiye ki usse baat kar sako. Usse aise hi baat karne lag jaao kisi bahane. jaise ki –

Aur kya chal rha hai ? Study Kha tak ki ? Abhi kya study chal rhi hai ? Study chal rhi hai ya Job ? Purane class me friends milte hai ? Unse baat hoti hai ? etc etc..

Jab usse thodi dosti ho jaaye to use feel karwao ki aap ek ache ladke ho par ache matlab ye nhi ki bilkul hi lakeer ke fakeer ho. Thoda stylish hona bhi jaruri hai and attitude maintain rakhna. Confidence sabse important hai. Iske baad use indirectly batao ki aapko uski sister pasand hai. Uske reply se hi aapko pura pata lag jayega ki vo aapko help karegi ya nhi. Maximum chances hai ki vo help kregi. Bas fir aage ka plan aapko maloom hi hai. πŸ™‚

Mujhe umeed hai meri salah aapke kaam aayegi. Teen me se koi formula to kaam karega. Jo bhi hoga Mr. Jeet mujhe batana jarur. Kyunki Main bhi jaan-na chahti hu is baare me. Best of Luck ☼.

85 Comments

Add a Comment