Kaise Pata Kare Ladki Dhokha De Rhi Hai

Pyar is duniya me kisi ke liye bhi sabse khoobsurat cheez hai, jo khushi pyar deti hai vo kisi aur cheez se milna muskil hai. Par… agar yhi pyar kisi galat insaan ke saath ho jaaye aur hume pata chale ki jise hum behad pyar karte hai vo to humse pyar karta hi nahi balki sirf humara fayda uthane ke liye humare saath hai to yhi pyar nasur ban jaata hai, jiska dard bhulaye nhi bhulta. Aur tute dil ke dard ko sehna kisi ke liye bhi bhut hi muskil hota hai. Isliye, sabhi Dil waalon ko Main yhi suggest krungi ki, agar pahle ki thoda savdhan rha jaaye to baad me kaafi had tak is tarah ki problems se bacha ja sakta hai. Bahut se friends ko kabhi kabhi aisa feel hota hai ki unki girlfriend unke saath normal behave nhi karti. Pahle sab bahut acha tha but ab, vo baat – baat par relationship todne ki dhamki deti hai, bina kisi reason ke baat karna band kar deti hai ya choti choti baaton par hi chidh jaati hai. Is tarah ki problems se gujarne waale friends ye janna chahte hai ki jise vo apne Dil ki Raani banana chahte hai vo asal me unse pyar karti bhi hai ya baat kuch aur hi hai.

So friends, aaj main aapko kuch aise points btane ja rhi hu jinse agar aapki girlfriend aapko dhokha de rhi hai to aap is baat ka andaza badi aasani se laga paoge. So now let’s start with points..

Secretive About Her Phone

Secretive About Her Phone

Agar ladki aapko pyar karne ki bajaye aapko use (istemal) kar rhi hai to ek baat ki guarantee hai ki vo aapko apne phone ke aas-paas bhi bhatakne nhi degi. Aur agar kabhi uska phone aapke haath lag bhi gya to aap us par lock laya hua paoge, jise kholna aapke liye muskil hi nhi namumkin hoga.

Baat Karne se Bachegi

If you ask her to talk vo interest nhi legi

Agar aap usse kuch baat karna chahoge to vo parvah hi nhi kregi, jaise aapki baat uske liye koi mayne nhi rakhti ya use us baat me koi interest hi nhi hai. Jab aap usse is behaviour ka reason puchoge to vo koi na koi bahana bana degi.

Aapka Schedule Puchegi

Tumhara schedule Janne Ki kosish Karegi

Agar ladki aapko cheat kar rhi hai to vo aapse aapke schedule ke baare me jruri puchegi, taaki use pata ho aap kis time par kaha jaoge, kya karoge so that uski chori kabhi pakdi na jaaye.

Bina Baat Ke Gussa Hogi

ladki Bina Baat Ke Gussa Hogi to samajh lo dhokha de rhi hai

Ladki bina baat ke aapke upar chillayegi, aapse theek se baat nhi kregi aur aapki har choti se choti baat ko ek bada issue bana kar uske baare me lakh sawal puchegi.

Khud Ko Alag Rakhne Ki Kosish

Jab aap doston ke saath hoge to ladki alag alag rahegi to samajh lo cheat kar rhi hai

Vo hamesha sapno me khoyi huyi lagegi aur aapki baat ko sun kar `use koi fark nhi padta` waale lahje me ignore kar degi. Jab kabhi aap friends ke beech hoge to vo alag alag rehne ki kosish karegi aur apne hi khyalo me khoyi rhegi.

New Friend se Baat Cheet

Agar ladki najar mila ke baat nhi kar rhi to matlab kuch gadbad hai

Ho sakta hai vo aapko bataye ki aaj kal vo kisi new friend se baat karti hai, vo kaafi acha ladka hai etc etc. Vo bolegi ki vo bas ek acha friend hai. Lekin uski aankhe kuch aur hi batayegi, is karan vo aapse najre mila kar baat karne se bachegi.

Uska Behavior Change Ho Jayega

ladki ka Behavior Change Ho Jayega to samajh lo kuch gadbad hai

Ab use aapke pyar par ikrar nhi hoga, jab aap use `I Love You Darling` ya `I Love U Jaan` kahoge to vo uska reply nhi degi ya agar degi bhi to us tarah se nhi jaise vo pahle deti thi. Ab vo aapke romantic feelings ka bahut hi rude answer degi jaise ki agar aap use kahoge ki `Main Tumse bahut pyar karta hu meri jaan` to vo khegi… OK. Theek hai ya vo khegi `Achi baat hai`. Isi baat se aapko pata chal jaana chahiye ki pyar, pyar na raha.

Aksar Saj Dhaj Kar Bahar Jaana

Agar ladki aksar saj dhaj kar bahar jaati hai to samajh lo chakar hai

Agar vo lagatar saj-dhaj kar kahi bahar jaati hai aur bhut jyada bahar jaati hai to aapko ye jarur sochna hoga ki vo aksar itna taiyar ho kar kha aur kis liye jaati hai. Agar aapne kabhi galti se bhi is baare me kuch puch liya to uska jawab Zahar se bhi kadwa hoga ya vo Barfi se bhi meetha. Ab aapko aankh mund kar uski baat par yakeen karne ki bajaye thoda CID CID khelna hoga, taki pata lag sake ki madam kitna sach bol rhi thi aur kitna….

Dur Dur Rhegi

Vo aapse dur dur rahegi

Yadi aap live-in-relationship ya is tarah ke kisi rishte me ho jha aap dono saath rahte ho to aap dekhoge ki ab vo aapse dur ho kar sone lagi hai. Itna dur ki aap dono me beech me itni jagah hogi ki ek aur insaan vha badi aasani se so sakta hai, aur is baat ki tuk banti hai. Kyunki ho sakta hai aapke relationship me koi teesra insaan aa chuka hai.

Uski Jasoosi Karna

Chup kar uska peecha Karna

Agar aap usse social media par is topic (Break Up, Pyar me Dhokha) ko le kar indirect majak karne lage ho ya kisi bhi tarah uska phone (call details, inbox) check karne ki kosish karne lage ho, to iska reason aap achi tarah se jante ho ki aap aisa kyu kar rhe ho.

Also check : Duble – Patle Log Kaise Achi Body Bana Sakte Hai

Friends, Jab baat is had tak pahuch jaaye to samajh lo ab aapke rishte me pyar jaisa kuch bacha nhi hai, lekin fir bhi agar vo aapke saath hai to vo sirf aur sirf apne kisi fayde ke liye hai ya fir vo bahut hi jyada confused hai. So isse pahle ki aap pyar me dhokha khane waale gaane sunne shuru karo, acha ye hoga ki aap sach ko jaldi samajh lo aur sab kuch jante huye bhi aankhe band karke baithe na rho. Is tarah aap apne aap ko, hone waale kisi bhi bade dhokhe se bacha loge.

Friends ye thi Love Tips jisse aap jaan sakte ho ki Ladki pyar karti hai ya Cheat kar rhi hai. In tips ko le kar  kisi tarah ka koi bhi doubt ho to jarur puche aur haan agar inke alawa aapke paas chori pakadne ka koi aur idea ho to jrur share kare.

233 Comments

Add a Comment