I Love Her But Vo Interest Nhi Leti

Sabhi Aashiq Awara logon ko Shivshi ka Hi hai ji 🙂 Doston Pyar aur Relationship ke Sawal jawab me aaj ek bhut hi serious sawal aaya hai. Humare ek friend Sayed Monis Ali kisi karan bade hi preshan hai aur unhone apni preshani email ke jriye hum tak pahuchayi aur apni samasya ka samadhan manga hai. Ab ye humari duty hai ki hum unhe unki problem ka solution btaye. Main to apni taraf se best of the best answer dene ki kosish karti hu and friends aap sabse bhi request hai ki humare friend ko ache ache suggestion de taki unki problem solve ho sake..


Wo ladki meri rishtedar hai uska name hai Zainab aur hum dono me pehle contact nahi tha. Hum pehle Fb par mile fir khub baate huyi aur fir uska mobile number mila to SMS chat hone lagi. Main usse isi beech love karne laga aur fir uska phone kharab ho gaya aur ek month tak koi contact nahi hua to mujhe bura bhi laga aur main use bhulne bhi laga. Jab usne dusra phone liya mujhe SMS kiya aur bataya ki uska phone kharab tha.

Ab hum dono me fir se baat shuru ho gayi aur maine is tarike se baatein ki ki use lagne laga ki I like her, I loved her. Wo mujhe apna best friend manti thi ye baat usne khud mujhe batai thi. Aur fir jab use feel hua ki main use love karta hu. To usne kaha tumne aaj tak meri life ke baare me kuch nahi puchha to maine kaha himmat nahi huyi. Fir maine study se related kuch bate puchi to Usne khud hi bataya ki uska koi boyfriend hai jiska name Tariq hai. Aise kaha ki tum mere best friend ho tumse kya chhupana.

Mujhe bahut bura laga 🙁 maine kuch sad shayeri, lines kahi to boli tum itne sad kyu ho Gaye? Maine kaha kuch nahi. Itni mohabbat thi mere dil me ki main roya tak aur socha usse baat nahi karunga. Magar baat kiye bina chain kaha milta. Maine use msg kiya, main mazak bhi aise karta hu jaise serious hu. Wo sab mazak tha sad lines wagairah. Maine dikhane ki koshish ki ki main khush hu, kuch joke bhi send kiye is darr se kahi mujhse baat Karna na chod de, magar kahan jo sach tha wahi sach tha.

I Love Her But Vo mujhme Interest Nhi Leti

Ab uske yahan shadi ka program aane wala tha. Hame bhi Jana tha wo ladka bhi aata wo bhi uska rishtedar hai. To maine Fb par Tariq se friendship ki, yahan tak ki tariq ka phone no. bhi liya. Ek din main bhi online tha or Tariq bhi, to maine kaha Tariq online hai baat ho rahi hai tumhari ? Boli – “Nhi pls usse kehdo mujhe SMS kare” Maine kaha ok magar fir maine Tariq se nahi kaha aur zainab se kaha ki maine Tariq se bol diya. Magar maine Tariq se zainab ke bare me baat ki to wo bola aap kaun ho maine kaha shadi me milenge usne kaha Ok. wo bhi hairan tha ki uske bare me itna kaun janta hai.

Fir zainab se kuch baat hoti rahi, kabhi kabhi maine pucha Tariq se tumhari baat nahi hoti to boli yahan aaoge to sab batayenge. shadi kareeb thi sab tayarion me busy the. Hame ek week pehle bulaya tha. Fir ek din wo time aa gaya jiska mujhe intezar tha. Main shadi se 6 din pehle gaya ki sahi se baat ho sake to wahan mujhe pata laga ki Tariq se uska contact nahi hai. Fb par bhi zainab ne use block kar diya tha kisi wajah se. zainab samajh rahi thi ki main bhi use Ab best frnd hi manta hu aur Sab kuch usne sach sach bataya mujhe. Fir Maine waha aisa kiya use fir laga ki Ab bhi I liked her. Aur fir wo mujhse jyada baat karne se bachne lagi.

Shadi kareeb aa gayi mehman badne lage, Tariq wahin ka hai shadi se teen din pehle aaya tha wahan kahi gaya tha. Magar uske ghar shadi se ek din pehle aaya tha Zara si der ke liye fir chala gaya hum mile bhi. Tariq ne usse baat karne ki koshish bilkul nahi ki aur fir wo chala gaya to us din zainab sad dikh rahi thi. Maine kaha bhi “Why you are sad?” boli – `Kuch nahi` khair sham tak sahi ho gayi.

Subah hua shadi ka din tha aur shadi uski sister ki thi. Main subah hi marriage hall chala gaya barat dur se aayi thi ek din pehle sham ko chali thi wo bhi 1 hour me aa gayi. Shadi ke din to sab busy the shadi ke next day hi main chala aaya fir jab 2-3 din gujar Gaye to maine kaha Tariq ko bhul jao wo boli “Kyu??” maine kaha – “I Love You” wo boli i hate u. Maine fir bola uska fir yahi ans tha. Aur kaha `Tum mujhe bhul jao to jyada better hoga`. Maine kaha ho hi nahi sakta.

Tariq se uska contact Ab bhi nahi hai aur na hi Tariq usse contact Karna chahta hai. Aur shadi ki date thi 6 June 2015 abhi jyada time nahi hua. Main use msg krta hu reply nahi karti. Jyada. Abhi Ramzan chal rahe hain to time bhi nahi milta jyada…

Ab pls Aap meri help kijiye. Mujhe bahut umeed hai aapse. Ye aap ko bata du ki main usse beinteha mohabbat karta hu. ♥
Thanx…

Jawab…

Dekho Monis, aapki khani se saaf jahir hota hai ki vo ladki (Zainab) aapse ishq nhi karti aur Aap bhut karte ho. Vo Tariq ko chahti hai aur use aisa lagta hai ki aap use Tariq se alag karna chahte ho isliye vo aapse rudely baat karti hai. Ladkiyo me ek khas baat hoti hai ki jab vo kisi ko chahti hai to uske baare me kuch bhi galat nhi sun sakti besak uska behaviour ladki ke liye jaisa marji ho. Aur yhi karan hai ki jab tumne bola I Love you to usne ulta jawab diya. Aur sach btau to is baat ka koi solution nhi hai. Jab tak vo Tariq ko chahegi tab tak use aapme koi interest nhi aayega. Jab uske man se Tariq niklega to vo aapke baare me sochegi, lekin vo Tariq ko bhule ye aasan nhi hoga kyunki ek ladki jab kisi ko chahti hai to use koi lakh bta de ki vo person theek nhi hai, acha nhi hai ya kuch bhi keh le, use kuch samajh nhi aata.

To mere khyal me aapko uske saath ek friendly relationship rakhna chahiye. Ab kyunki Tariq usme interested hai nhi isliye chances hai ki vo aaj nhi to kal use apne man se jrur nikalegi. Aap bas baat ke beech beech me apni taraf se aisa signal dete rho ki You Like Her A Lot. You Love her A lot and jab aapko pta lage ki vo kisi karan dukhi hai to uski care karo jitni kar sakte ho, uski help karo. Aur to mujhe kuch nhi aa rha kya suggest karu. I hope aapko ye answer helpful lga ho aur yha share kiya gye Love Tips se aapki zindgi me khusiyan aa sake. Best of Luck.

13 Comments

Add a Comment