Healthy Aur Fit Kaise Rahe

Sabhi friends ho Shivshi ka pyar bhara ilu ilu ♥ Bas aaj ke liye itna hi. Doston aaj hum Pyar Mohabbat ki baat nhi krenge kyunki aaj hum serious hai. Actually Pyar vyar ke chakkar me humare friends unhealthy hote ja rhe hai koi dil tootne ke gam me patla hota ja rha hai to koi din bhar ulte seedhe kaam kar kar ke mota hota ja rha hai. If you know what I mean 😛 So friends aaj main aapko fit banane ki kasam kha ke aayi hu aur main promise karti hu ki agr aapne meri sab baat ek ache friend ki tarah maani to bhut jaldi aap bhi Fit and Fine ho kar Smart and handsome ban jaoge. To Chalo ab seriously baat karte hai.

Friends, actually aaj kal ke technology wale time me hum me se almost har insan kisi na kisi tarah se unfit and unhealthy ho gaye hai because humare paas Gym jaane ke liye time nhi hota 🙁 exercise karne ka man nhi karta. Hume healthy rahne ke liye jo sab karna chahiye vo hum kar nhi paate. Isse maphle ki main baat shuru karu, Main aapko pahle hi ek baat bta deti aap kaan aur dimag khol ke is baat ko samajh le to acha hoga.

“Agr aapko lagta hai ki.. Aaj sehat kharab ho bhi gyi to kya hua, baad me theek kar lenge.

To ye aapki zindgi ki sabsi badi galat fehmi hai”

Bhut saare friends is baat ko le kar serious hai and that’s a really good thing. Bhut se friends Mujhe comment karke puch rhe the ki `Fit Rehne Ke Liye Kya Kare`, koi puch rha tha `Boys Body Kaise Fit Bnaye` to koi puch rha tha ki, `Achi Sehat Aur Attractive Body Kaise Bnaye`.

So maine Body Ko Healthy and Fit Banane ke Liye  is topic par khoob sari research ki and aapke liye bhut saare awesome tips collect kiye. Aur aaj main vo Healthy Rahne Ke Top Tips apne sab friends ke liye is Love & Fitness Hindi Website par share kar rhi hu. And I really believe ki in tips se aapki zindgi badal jayegi aur aap fir bachpan ki tarah totally fit and smart ban jaoge.

Ek baat aur btana chahti hu, Yha aapko jo tips milenge vo 100% Tested Health Tips hai. Main yha aapko ye bilkul nhi bolungi ki `Carbohydrates itne percent lo` ya `carbon itna hona chahiye` ya `itni calorie aapke khane me honi chahiye`. Main aap bhut simple lekin behad asardar Sehat tips btaungi jiske liye aapko kisi Carbohydrates, Carbon, Iron ya sulphur ka hisab kitab nhi rakhna padega. Aap jaise jee rhe hai usi tarah jeete huye hi bas life me kuch choti choti baaton ka dhyan rakh kar and unhe apni life ke normal routine me implement karke puri tarah fir aur sehatmand ban sakte hai. Yakeen mainiye, is article ko likhne se pahle maine bhut research ki hai. Ho sakte hai kuch tips aise ho jo aapne pahle na sune ho lekin main aapko yaken dilana chahti hu ki apne aapko fit rakhne ke liye inse ache aur simple tips dhundhne muskil hi namumkin hai. To ab shuru kare? Chalo bhut hi idhar udhar ki baat ab finally shuru karte hai.

Fit & Healty Rahne Ke Best Tips

1. Neend Achi Aur Puri

Healthy Rahne Ke Liye Achi Neend Lena Bahur jruri hai

Doston jaisa ki maine upar kaha aaj kal ki life me technology ka role bahut hi jyada badh gya hai and ye ek bhut bada karan hai ki hum apni neend theek se nhi le paate. Hota kya hai ki, normal gharon me log aadhi raat tak TV dekhte rahte hai. Jo log TV nhi dekhte vo apne Laptop ya Computer par kuch karte rahte hai and kuch smartphones par Facebook and is tarah ki cheezon me lage rahte hai aur der raat tak sote nhi hai. Mujhe pura yakeen hai aap bhi inhi me se koi ho. Lekin aap nhi jante ki ye cheez kisi bhi insan ko unhealthy aur unfit banane ke liye sabse basic point hai. Ye vo point hai jise jyada log seriously nhi lete aur yhi reason hai ki duniya me jyada log kisi na kisi tarah se beemar hai.

Yakeen maano doston agr aap achi aur puri neend nhi lete to aapko aage bhut si serious problems ho sakti hai. And aap kabhi bhi fit nhi reh sakte. Sone ke liye best time hai night 9 p.m to morning 5 a.m. Aap try kare ki is time ko apna sleeping schedule banaye. Agr is point se related aapka koi bhi sawal ho, jaise ki `is time tak mere ghar me khana nhi banta` ya `ye to bahut jaldi hai` ya `itni jaldi mujhe neend nhi aati` to niche diye gaye comment box ke jariye apna sawal jrur puche kyunki friends solution har problem ka hota hai ho sakta hai aap vo solution dhundh na pa rhe ho but may be I can help you.

Yaad rahe adhuri aur khrab neend bhut saari bimariyo ki jad hai jaise ki Sir dard hona, Aankhe kamjor hona, Motapa, Dark circles, Heart Attack, High blood pressure, Stroke, Diabetes
aur bhi bahut sari. Friends Main sab kuch yha explain nhi kar sakti because mujhe sab likhne me pura din nikal jayega and utna padhne me aapko bhi bhut time lgega. So please don’t play with your health. Is baare me aur detail me janne ke liye Shi neend na lene ke bad effects padh sakte hai.

2. Uthte Hi Garam Paani

Uthte Hi Garam Paani Pine se Sehat Achi Rehti Hai

Achi neend lene ke baad sabse jruri hai aapki subah achi ho. Kahte hai agr subah achi ho to pura din acha jata hai. Aur sabse achi baat pta hai kya hai? Vo ye ki subah ko acha banana behad hi aasan hai. Doston abhi tak aap kya karte rhe ho usse koi fark nhi padta but aaj se hi aap ye routine bana lo ki subah uthte hi sabse pehla kaam aapka hai, kam se kam 2-3 glass paani peena. Bina brush kiye aur toilet jaane se pahle. Pahle paani piye aur fir toilet jaaye aur dusre kaam kare.

Dhyan rhe paani thanda bilkul bhi na ho balki paani halka garam hona chahiye agr subah subah paani garam karne me koi problem ho to don’t worry iska bhi solution hai, aap aaj hi tambe ka ek ghada (तांबे का घड़ा) le aao, tambe ke ghande ko raat ko bhar do subah uske paani me vo sab gun hote hai jo garam paani me hote hai. So ye aapki marji hai paani halka garam kar lo ya tambe ka bartan le aao. But agr aap aaj ye baat jaan kar bhi ise apni life me implement nhi karte to baad me pachtana padega. Aur han ek baat aur, agr paani me nimbu ka ras mila ke piya jaaye to samjho sone pe suhaga. Agr aapko subah paani peene ki aadat nhi hai to daalo because bhut jaldi aapko maloom ho jayega ki ye cheez kitni labhkari hai. Isse motapa kam hota hai and pet se judi bhut si problems khud theek ho jaati hai. Iske alawa din me bhi regular paani peete rhe to bhut acha hoga. Din me aapko kitna paani peena chahiye ye aap ek simple formula se calculate kar sakte hai. Formula hai..

Aapka Weight/10 – 2 = __ Litre water

For example aapka weight 60 Kilogram to formula aise use hoga… 60/10 – 2 i.e. 6 – 2 = 4 Litre.

3. Tea Nhi Green Tea

Morning me Green Tea Peene ke fayde

Bhut se logon ko subah chaaye (चाय – Tea) peene ki adat hoti hai uske liye ek suggestion hai ki friends aap normal Tea ki jagah Green tea peena shuru kare. Iske aneko fayde hai aur nuksan koi nhi. Green tea se aadmi ka Brain sharp rehti hai, isse sehat achi hoti hai, faltu ki charbi aur motapa bhi kam hota hai. Blood pressure bhi theek karta hai aur saath hi saath saans se aane wali smell bhi gayab kar deta hai. Iske alawa immunity bhi badhata hai. Ab soch lo doston agr Green Tea peene se itne fayde hote hai to kyu na piya jaaye.

A little Change in My life : Friends, is article ko likhne ke liye jab main research kar rhi thi aur mujhe Green tea ke itne fayde pata lage to maine apni mom ko btaya and unhe boli ki – “Mammi kal Green tea hi banana please” and aap yakeen karo ki pichle 5 dino se humare ghar par every morning Green Tea ban rhi hai and it’s really superb. Agr koi aadat badalne se itne fayde mil rhe hai to kyu na vo aadat daali jaaye. I recommend to start Green Tea from tomorrow morning friends. 🙂 Checkout ➤ Green Tea Kaise Banaye.

4. Exercise / Yoga / GYM / Walk

Easy Yoga Postures for everyone

Ye vo point hai jiske baare me janta har koi hai ki isse healthy reh sakte hai, infact body ko fit and fine banane me most important role is point ka hi hota hai par haaye re susti, kon mehnat kare. Kyu? Hain na! Theek kha na maine. Han mujhe malum hai hum sabke sath ye problem hai ki subah subah apne pyare pyare bistar ko chod ke faltu ki mehnat karne ka dil nhi karta. Par! ab bhut achi baat hai ki aap is Health ko le kar kuch serious ho rhe ho.

Actually problem ye hai ki hum itni important cheez ko Faltu ka samajhte hai, Jo ki sabse badi galti hai humari. Chalo aapko ye realize karwati hu. 2 minute ke liye sab kuch bhool kar socho ki duniya me ya aapki society me ya aapki family me hi sabse fit log kon hai. Take 2 minute and think seriously. Soch liya? Good! Ab dekho jitne bhi gine chune logon ke chehre aapki aankho ke samne aaye honge vo jrur morning me uth kar Exercise karte honge ya walk par jaate honge. Ho sakta aap jante bhi na ho but vo apne kamre me hi Yoga karte ho ya Gym jaate ho. Gine chuke isliye kyuki aise log hai hi bhut kam jo puri tarah swasth ho just because ki gine chune log hi shi time par apni sabse badi amanat `Sehat` ka khyal rakhte hai.

Ek din apne ek friend ko main same baat bta rhi thi to vo boli – Mere Dad to inme se kuch bhi nhi karte fir bhi vo fit hai, kaise ? Maine bhi socha, Waah yaar kya baat hai. Lekin jab maine use pucha `Tere Papa Kaam kya karte hai` to vo boli unki ration ki shop hai. Are yaar ration ke shop wale bande se jyada exercise aur ko karta hoga, log to exercise aadhe ya ek ghante ke liye karte hai prantu dukan walon ka Yoga to pure din hi chalte rhta hai to unhe iski jrurat nhi padti, but humara kaam kuch aur hai aur humar kaam me itni body movements nhi hoti jinki ek normal shop wale ki hoti hai so unko exercise ya Yoga karne ki jrurat nhi hai but hume hai.

In short bta du, Friends agr aap is point ko aur upar btaye simple tips ko apne life me roj use karte ho to Main likh ke de rhi hu, Definately bhut jaldi aap totally Fit aur Handsome ban jaoge. Lekin!!! agr aap is point ko ignore karte ho to sorry to say, Aap kabhi fit nhi reh sakte. Ho sakta hai abhi kuch logon ko lag rha ho ki `Faltu ki baat hai ye sab` Main kuch nhi karta fir bhi fit hu to main bta du ki ye fitness jyada der tak nhi rahne wali aur jab aapko is baat ka ahsas hoga ho sakta hai tab tak kaafi der ho chuki hogi. So friends Start it from today. Morning me walk par jaao ya Yoga Karo ya exercise kro. Friends, Achi Sehat bhagwan aur Maa Baap ka diya hua vo vardan hai jiski kadar na ki jaaye to baad me bahut bure prinam dekhne padte hai, aur tab lakh pachtane se bhi kuch nhi hota.

5. Khaane Ka Shi Time Aur Schedule

Khaane Ka Shi Time Aur Schedule Kya Hona Chahiye

Doston humne aaj tak kabhi is bat pe jyada dhyaan nhi diya lekin isme humari koi galti nhi kyuki hume is baare me pahle pta hi nhi tha lekin aaj is baat ko aap jitni achi tarah se samajh le, aapke liye, aapki family ke liye aur aapki sehat ke liye utna acha hoga. Friends aaj kal videshi trends humare upar haawi hote ja rhe hai aur hum shi rasta chod kar galat raste ki aur chal pade hai, karan fir vhi ki hume iski knowledge hi nhi hai. Aapne suna hoga aaj kal log kahte hai Khana thoda thoda khao jab marji kaho. Jo ki bilkul hi galat hai. Ye baat unke liye theek hai jo un desho me rahte hai jha saal me jyada waqt thand rahti lekin apne desh ke environment ke sihab se ye puri tarah galat hai.

Khana khane ka bhi shi time hota hai aur usi time khana khaya jaaye to sabse jyada fayda milta hai. Ab main aapko btati hu ki khana kab khana chahiye.. Subah Ka Khana suraj nikalne ke dedh se do ghante me kha lena chahiye. Man lijiye aapke nagar me suraj subah 7 baje nikalta hai to iska matlab hua aapko subah ka khana jyada se jyada 9 baje tak kha lena chahiye. Aur han 9 bje se pahle ka matlab ye nhi ki kisi din 7 bje kisi din 8 bje aur kisi din 9 baje. Khana roj ek hi time par khana chahiye. Dosto samajhne wali baat hai har cheez ka ek cycle hota hai agr cycle me koi cheez pahle aa jaye to problem hoti hai and agr time ke baad aaye to bhi problem hoti hai. So apne kaam ke hisab se ek time fix kar le ki aapko itne baje khana khana hai aur usi time par roj khana khaye.

Ek aur galat aadat hum log apna chuke hai ki subah ka khana thoda khao fir dopahar ka thoda sa jyada kha lo aur raat ko full tight hoke aaram se daba ke khao, ye bilkul hi ulta hai.

Khana Khane Ka Shi Time Aur Tareeka

  • Subah Pet bhar Ke Khao, subah aapko jitni bhukh hai usse thoda jyada bhi kha lo to koi problem nhi. Maan lo aapko 5 roti ki bhookh hai to aap 6 bhi kha sakte ho. Agr aapka kuch aisa khane ka man karta hai jo doctor ne aapko mana kiya hua hai to aap subah thoda bhut vo bhi kha sakte ho, iske piche reason ye hai ki apne pet me khana pachane ka jo system (जठराग्नि) hai vo subah ke time sabse jyada active rehta hai so subah khayi huyi koi bhi cheez aasani se pach jati hai.

Ek baat aur agr aap khane ke baad dudh lete hai to vo subah nhi raat ke khane ke baad le. Subah dahi kha sakte hai. Fruit juice agr subah piya jaaye to uska fayda sabse jyada milta hai. Vhi fruit juice agr aap raat ko piyoge to body ko utna fayda nhi hoga jitna subah peene se hoga.

  • Fir baari aati hai dopahar ki, dopahar ko subah ke mukable thoda kam khana lena chahiye. Maan lo ki subah aapne 6 roti khayi to dopahar ko 4 khao. Ho sakta hai isse aapki bhookh na mite kyunki abhi tak aap har waqt pet bhar kar khana khate rhe hai to koi baat nhi dheere dheere aadat ban jayegi, shuruwat me 1 rohit kam kare fir kuch dino me 2 roti kam kar de. Jab aadat pad jayegi to 4 roti se hi aapki bhookh mitne lgegi.
  • Ab aate hai raat par, Raat ko dopahar se bhi kam khana chahiye, iske piche ka reason ye hai ki raat ke time जठराग्नि sabse kamjor hoti hai aur khane ko pachane me bhut jyada waqt lagta hai. So agr aapne dopahar 4 roti khayi to raat ko 2 ya jyada se jyada 3 khao. Shuruwaat me thodi muskil ho sakti hai lekin isse aapki health bilkul shi ho jayegi. Motapa aur Aage Nikla hua Pet shi hone lgega. Bas Shart yhi hai ki jo bta rhi hu vo shi tareeke se follow kare.

6. Khane Ke Turant Baad Paani = जहर

Khana Khane Ke Kitne Der Baad Paani Peena Chahiye

Ye point is pure article ka sabse important point hai, agr aap ise nhi samjhe to yekeen maniye Achi Sehat waali baat kabhi ban hi nhi sakti. Read this point very carefully.

India me jyadatar logon ko aadat hai ki khana khane baithe aur saath me paani ka ek glass ya lota rakh liya. Ab vo karte kya hai…. khana khaya paani piya, fir khaya fir piya, fir khaya piya.. Aise karte karte jab tak uka khana pura hota hai tab tak vo 2-3 glass paani gatak chuke hote hai. Kuch log khana khane ke time to thoda bahut 1-2 ghoont (घूँट) paani peete hai par ant (अंत) me glass bhar bhar ke paani pee lete hai kuch to pura jug hi khali kar dete hai. Ye cheez kitni galat hai aap janoge to aapko ek bar yakeen nhi hoga, lekin ye bilkul sach hai aur main aapko badhayi deti hu ki aaj aap is cheez jaan rhe ho, Isse health ki aadhi problem bina kuch kiye hi khatam ho jaati hai.

Ab kuch log janna chahenge ki aisa kyu?? Khana khane ke baad paani kyu nhi peena chahiye ya fir `Khane ke baad paani peene se kya nuksan hota hai` to aao btati hu..

Doston, jaise hi khana khane lagte hai aur khane ka pehla niwala muh me dalte hai tabhi use pachane ke liye humare pet me ek agni jalne lagti hai jise Jatharagni (जठराग्नि) kahte hai. Ye जठराग्नि tab tak jalti hai jab tak humara khaya hua khana puri tarah pach na jaaye. Kahne ka matlab ye hai ki जठराग्नि hi khane ko pachane ka kaam karti hai. Ab sochiye khi aag jal rhi hai aur aapne us par paani daal diya! to kya hoga? Vo aag bujh jayegi. Bilkul yhi जठराग्नि ke saath bhi hota hai. Jab hum khana khate hai to जठराग्नि jalti hai aur khana dheere dheere pachta hai, lekin agr humne paani piya to vo agni bujh jaati hai aur fir Khana Pachta nhi pet me sadta hai. Isi cheez ke karan logon ko anek tarah ki bimari lagti hai, khud sochiye jha se aapke pure body ko energy aur protein milne hai agr vo system hi theek se kaam na kar paaye to body ko shi nutrients kha se milenge. Aur agr shareer ko jrurat ke mutabik energy nhi milegi to aapki Body Kaise Ban Sakti hai. Log khaane ke baad paani isliye peete hai kyuki unhe ye baat pta hi nhi hai. Isiliye kha jata hai.. खाने के बाद पानी = जहर 

Ab baat aati hai ki agr khane ke baad paani na piye to kab piye. Aisa nhi hai ki khane ke baad paani kabhi hi nhi. Vaise to time dedh ghante ka hai par agr aapse control nhi hota to aap khana khane ke kam se kam 1 ghante (1 hour) ke baad paani pee sakte hai. Khana Khane se pahle bhi kam se kam aadha ghanta pahle paani pee le, khane se turant pahle bhi paani nhi peena chahiye.

Most important : Pet se hi shareer ke 90% bimari ki shuruwaat hoti hai. Sabse pahle Motapa fir Blood Pressure Problems fir Gas ki problem, Cancer, Gastic Cancer, Diabetes, Ulcer aur is tarah ke anek rog (desease) is ek vajah se lagte hai, jiske ilaaj me log lakhon rupee kharch karte hai aur na jaane kitne log roj marte hai. Jabki sirf kuch jankari ki jrurat hai aur 90% bimariyon se aasani se bacha ja sakta hai. Khud socho ki jab khana pachne ki jagah sadega to shareer ka vikas kaise hoga. Meri aapse request hai ki is baat ko aap jitne logon ko bta sakte hai jrur btaye. Kahte hai kisi ka bhala kar do bhagwan tumhara bhala karega. Main chahti hu ki aap sab healthy rho, fit rho aur sabko fit rahne me help karo.

7. Oily Aur Fried Cheeze Kam

Don't Eat Fast Food every day

Bhut hi serious points ke baad ab thoda light point par aate hai. Friends dusre health experts ki tarah Main aapko ye bilkul nhi khungi ki, Aap Tala bhuna khana mat khao, Bahar ka kuch mat khao, Oily Cheez mat khao, Burger mat Khao, Pizza mat kaho, Paranthe mat kaho, ye mat khao, vo mat khao. Balki Mai to kehti hu Sab Khao 🙂 Hanji jo man kare vo khao 🙂 Humare college me ek Sir hai vo 70+ age ke hai aur aaj bhi itne fit hai ki 2nd year students ke saath football khelte hai and believe me goal bhi karte hai. Vo sir ek bhut achi baat kahte hai – “Beta duniya me 99% kaam galat nhi hai agr limit me kiya jaaye to”. Yhi baat main aapko yha kahne wali hu. Main kehti hu vo man kare khao, Are itne tasty tasty cheezon ko hum khaye na to fayda kya is duniya me aane ka 😛 But! Remember one thing, Limit. Dekho agr ap regular ghar ka bana healthy khana khate ho to aapka jab kabhi Pizza ya Burger khane ka man kare to khao koi problem nhi hai. But, hamesha mat khao. Ye nhi ki subah Domino’s me pizza kha liya, dopahar ko fir kuch Naan ya Kulche kha liye aur raat ko Burger ya fir se pizza kha liya. Agr aap aisa karte hai to ye bilkul galat hoga, ye to aap bhi samajhte hai. So Eat everything but in limit. Don’t play with your life. Agr main kuch galat keh rhi hu to muhhe btao.

huff!! Finally article complete hua. To doston ye thi Hamesha Healthy & Fit rahne Ke Liye Best Tips in Hindi. Btane ki jrurat nhi ki is article ke liye main bahut mehnat ki hai so please ab meri is mehnat ko waste mat jaane dena. Agr aapne ye Healthy Kaise Rahe article dhyan se padha hoga to aapko pta chal hi gya hoga ki ye points kitne useful hai for Us and also our family. Vaise tips to aur bhi bhut se hai but sabse main jo the vo maine aapko bta diye baki fir kabhi dusre article me likhungi. So aaj se hi shuru karo aur Fit raho. Kisi bhi point ke regarding koi doubt ho ya aapke paas koi acha point ho to comment box niche hai, abhi likh kar hum tak pahuchaye. Tata! Walk Par milte hai 😉

334 Comments

Add a Comment