Girlfriend Se First Date Par Kaise Mile : Kya Kare, Kya Pahne & Kya Bole

Hello, Namaskar Doston.. Kaise hai aap? Main aapki Dost Shivshi ek dum maje me hu aur umeed karti hu ki mere sabhi Dost bhi bhut acche honge, honge kyu nhi, aakhir dost kiske hai! Doston aaj main aapke saath ek aise topic par baat karne waali hu jo behad serious and bahut majedar hai. Ye to hum sab hi jante hai ki, Aaj-kal dating bahut hi common cheez ho gyi hai, aksar log milte hai aur fir kuch baatein hoti hai, kuch rishte bante hai kuch kisi vajah se aage nahi badh paate. Ab mudde ki baat ye hai ki, Humare kuch friends aise hai jo pyar ke khel me apni inning ki opening karne ja rahe hai to vo aisa kya kare ki vo Out na ho jaayein aur unki inning hamesha hi chalti rhe! Is cheez ki unhe badi tension hoti hai, laimi hai, honi bhi chahiye. Easy words me kahu to baat ye hai ki, Bhut se friends aur apni Love & Relationship Hindi website ke readers aksar First Date se related kuch cheezon ko le kar pareshan hote hai jaise ki – Girlfriend Se First Date Par Kaise Mile, Jab Ladki Ko Pahli Baar Mile to Kya Kare, GF se Baat shuru karne ke liye Kya Bolein. Inke alawa log ye bhi puchte hai ki First Date Per Kya Gift Karu aur uske saath kaise baat kare – Kya Karein, Kya Na Karein. Basically vo ye janna chahte hai ki – Pehli mulakat me Ladki Ko Kaise Impress Karein.

Ladki GF Girlfriend Ke Saath First Date Par Kaise Jaayein Tips in Hindi Me

First Date Ko Perfect Banane Ke Tips

To finally aap first time date par jaa rahe hai, par agar aap shy (sharmile) hai aur ladkiyon se jyada baat bhi nahi karte or girls se jaldi frank bhi nahi hote to ab is baat ki tension lene ki jarurat nahi ki – Main Apni First Date Pe Kya Karo. Kyunki aapki best friend Shivshi aapki ye problem aaj aur bhi dur kar degi. Chaliye ab shuru karte hai..

 First Date Par Kya Pahne?

Pehli cheez jo aapko samjhni hai, wo ye ki aap ek date pe ja rahe ho wo bhi apni Girlfriend ke sath, toh aap is cheez ka dhyan rakho ki wo aapko aise hi pasand karti hai jaise aap ho. Toh jyada kuch sochne ki zaroorat nahi hai. Agar aap kahi Cafe, Movie ya kahi Art Gallery wagera me jaa rahe ho toh, aap us se milte waqt kuch bhi casual dress pehan ke ja sakte ho. Agar aap kahi dinner date par jaa rahe toh aap semi formals prefer kar sakte ho. Waise toh aap casuals or jeans bhi prefer kar sakte ho, but rugged jeans avoid karo, kyunki ho sakta use wo pasand na ho, isliye first time ke liye aise cheez avoid karo. Tuxedos or suit kisi wedding ya Anniversary occasion ke liye chod do. Agar aap acche se Dress-Up honge aur ache se looks ke saath jaaoge toh isse wo kaafi impress ho jayegi. Yaad rahe aapki first look sabse jayda effect dalti hai, wo toh aapne suna hi hoga, first impression is last impression.

Sirf acha dikhna hi nahi, but apne aapko acche se present karna bhi bahut zaroori hota, jaise Clean Breath, Trimmed Nostril Hair, Clean Eyes, Ears, Fresh Body Fragrance. Ye sab tips ko apne dress up me implement karke, aap ladki ko first look me impress kar sakte hai.

❤ Pahli Date Par Kya Kare?

Ab ache se taiyar toh ho gaye but ab kare kya? Kaise jaayein usse milne? Toh chalo phir ab dekhte hai, mirror se apne perfect score lene ke baad kya kare, kaha jaaye, kaise kare?

Aapki looks ke sath-sath, aapki good manners us date me extraa charm add kar deti hai. Agar aap apni first date pe jaa rahe ho, toh use uske ghar se pick karo. Agar aap car me use pick karne ja rahe ho toh uske liye car ka door khud kholo, ye aap ki manners ko present karta hai. Agar wo apni koi cheez drop (gira) kar deti hai, galti se ya jaan boojh kar toh use pick karein, iss se ladki pe aapka acha impression jata hai aur isse aapki gentlemen qualities pata chalti hai.

❤ Ladki Ke Liye Kya Gift Lekar Jaayein

Sabse badi baat, agar aap kisi ladki se first time mil rahe ho toh kabhi khali hath na jao, kuch na kuch gift zaroor le ke jaao uske liye. Ab aap sochoge ki `First Date Per Kya Gift Karu` to iske bahut se options hai, jaise ki aap Roses Bouquet, Chocolate Box, ya scarf wagera prefer kar sakte hai. Ek baat ka dhyan rakhein ki first time ke liye jyada expensive gift prefer na hi karo toh acha hai, isse usko aap desperate or show off type ke lag sakte ho.

❤ Date Ko Special banane Ke Liye Out of the Box Sochein

Agar aap date plan kar rahe ho toh kuch alag, unusual se date plan karo, but jo bhi plan karo uski choice ko dhyan me rakh ke karo. Ye na ho ki ek vegetarian ko non-veg waali jagah pe leke ja rahe ho, koi salsa club jo use shayad pasand na ho. Toh kuch bhi karne se pahle dhyan rakhna ki date ko alag banane ke chakkar me kharab mat kar lena. Aap apni date ko unusual or creative plan karke, or bhi yaadgaar bana sakte ho. Jaise ki main aapko idea deti hu.. Agar usko outing ka shauk hai toh aap hill climbing pe jaa sakte ho, hilltop par jaa ke time spend karo, baat karo. Ye kuch alag hoga aap dono ke liye.

❤ Bill Pay Kare

Ab ek mard hai aur aapne hi ye date plan ki hai isliye bill aane par aap bill pay karein, agar vo bill pay karne ki baat kahti hai to bhi mana kar do. Chahe koi ladki kitna bhi insist kare bill pay karne ke liye ya bill half-half devide karke pay karne ke liye, Aap aisa na karo because agar aapne aisa kiya to maximum chances ho sakte hai ki ye uski saath aapki aakhiri mulakat ho. Agar ladki financially bhut acchi hai fir bhi bill aapko hi pay karna chahiye, at least first date par to jarur. Agar aapki har kosish ke baad bhi vo nahi manti aur bill pay karne ke liye ad jaati hai to aap soch sakte hai.

❤ Kya Bole?

Hmm.. Ab taiyar bhi ho gaye, sab kuch plan bhi kar liya, use pick bhi kar liya. Ab usse baat kahan se shuru ki jaaye, kya baat ki jaaye, kya bole ki use bura bhi na lage. Toh chalo btate hun, ladkiyon se kya baat karni chahiye, unhe kya acha lagta hai.

❤ Use Attention de

Aap nahi jante ya shayad jaante bhi honge, ladkiyon ko attention gain karna bahut pasand hota hai. Toh use impress karne ke liye, aap use attention dein aur use ye show karein ki aap ka pura dhyan bas uski taraf hai. Use compliment zaroor karo. Compliment ladkiyon ko bahut ache lagte hai, or is time pe toh especially use lagega ki jo time usne specially lagaya aapke liye taiyar hone me vo safal hua. Sirf ye compliment na de ki – “You are looking great” thodi detail me jaa kar uski tareef karein to bahut behtar hoga. I mean be particular about her hairs, Dress, Face, Smile, Sense of Humor etc..

❤ Gf Se First Date par Kya Baat Karein

Ab baat ye aati hai ki Baat kya karein? Kahan se start karu, kya bolu. Toh suno phir, kya bolna hai aapne jaa ke. Is conversation ko interview jaise toh bilkul mat leke jao, like kaise ho, job kaisi hai, kaha job karte ho, wagera wagera. Ye aapka time hai, aapne use baat karni hai, kaise karni hai or kya karni hai woh professional nahi personal honi chahiye dear. Aap use uske bare me pucho, uske bare me jaano, aur sabse important baat, uski bas suno or patience se, kabhi uski baat ke beech interrupt mat karo. Isse ladki ko lagta hai ki aap unme interest show kar rahe hai aur use pure gentlemen way se deal kar rahe ho. Ye aapki sabse impressive quality hogi. Apni conversation me sense of humour add karo. Ladkiyon ko humorous ladke bahut pasand hote hai. Toh jitna ho sake use is date pe khush rakhne ki kosish karo.

❤ Drop Karke Aaye

Use jis jagah se pick kiya wahan pe drop karke aayein, use kabhi akele na jaane dein. Isse use ye pata chalta hai ki aap uski actual mein care karte ho. Ye aapke manners or aapke gentlemen nature ko show karta hai. Iske baad usme aapka itna craze ho gaya hoga ki wo aapke bare me hi sochegi or aapse phir milna chahti hogi. Toh usko bolna – “Hope to see you soon again" and then wave a Good Bye.

Toh ye thi kuch baatein jinka khya rakh kar aap Apne First Date Ko Shaandar Bana Sakte Hai. Ek baat dhyan se samajh lo, Girlfriend ko pahli date pe impress karna mushkil ho sakta hai but agar Aap Shivshi ke in tips ko theek se follow karte ho toh kuch bhi mushkil nahi hogi, aur aap for sure ladki ko first time me hi impress kar sakte ho.

Agar aap humare saath kuch share karna chahte hai, ya aap chahte hai ki main aapki kisi or cheez me help karo toh bas phir aapko pata hi hai kya karna hai. Neeche comment box me apni baat likh kar comment kar dein, aapki baat mujh tak pahuch jayegi.

6 Comments

Add a Comment