Girlfriend Se Baat Karne Ke Topics

Vaise to jab ek ladka aur ek ladki ek dusare me interested hote hai tabhi vo ek relationship me aate hai aur Girfriend – boyfriend bante hai aur jab do log ek dusre me itne interested hon toh unko baat karne ke liye kisi special topic ki zarurat hi nahi padti, baat to apne aap hoti jaati hai. Par fir bhi humare kuch friend aise hai jo bechare is baat ko le kar bahut preshan hai, unhe ye samajh hi nahi aata ki Apne lover se kis topic par baat kare.

Unka bas yahi chalta rehta hai – Kuch bolo aur dusri taraf se bhi aawaz aati hai – Aap kuch bolo. Aur isi Aap bolo – Tum bolo me pura time gujar jaata hai aur 2 premi mayus ho kar majburi me phone kaat dete hai. Lekin ab bas, bahut hua.

Girlfriend Boyfriend (Lover) Se Phone Par Kya Baat Kare - Topics

Ladki Se Baat Karne Ke Topic


Ab aapko is baare me tension lene ki bilkul bhi jarurat nahi hai kyunki ab aapki Shivshi aapko apni jaan se baat karne ke liye itne saare topic batane waali hai ki aap jitni marji baat karo ab aapko ye nahi sochna padega ki – `Yaar ab kya baat karu?`. Bas aapko apne dimag ka dhakkan khol kar rakhna hai 😛 To chalo ab shuru karte hai..

✪ Like & Dislikes

Aap dono ki soch ek dusre se alag hoti hai, ek dusre ki soch ko janne ke liye unse puche ki – Unko kya pasand hai, kya nahi pasand hai. May be jo unko pasand ho woh aap ko na pasand ho or jo aapko pasand ho woh unko na pasand ho ya aisa bhi ho sakta hai ek aap dono ki pasand ek jaisi bhi ho. Is topic par agar chahe to rojana ghanton baatein ho sakti hai. Ek example ke trough samjhati hu. Farz karo…

Aap… : Aapki favorite sabji kya hai?

Lover : Meri….. ummm…… Aalo matar.

Aap… : Acchaaa…..

Lover : Aapko ?

Aap… : Mujhe mushroom bahut pasand hai.

Lover : Mushroom !! Sach me?? Mujhe to mushroom bilkul pasand nahi.

Aap… : Kya baat kar rhe ho?

Lover : Haan sach me.

Aap… : I don’t believe this.

Lover : Le isme don’t believe waali konsi baat hai.

Aap… : Aur nahi to kya, mujhe nahi lagta duniya me koi aisa hoga jise mushroom nhi pasand hoga..

Lover : hahahahahaha…..

Aap… : Isme hasne ki kya baat hai?

Lover : hahahahaha….. lol 😀 😀

Aap… : Aap hans kyu rahe ho?

Lover : Mashroom par hans raha hu aur kya 😀

Aap… : Dekho aap faltu me haso mat.

Lover : Are hasu nahi to aur kya karu baat hi aisi hai…

Aap… : Itni bhi funny nhi hai. Bandar kya jaane adrak ka swaad…

Lover : Acha ji to………………………………………..

To dekha aapne… bina baat ke baat kaise hoti hai. Isi tarah kisi bhi favourite cheej ki baat karni shuru karo aur aise hi baal ki khaal nikalte raho 😀 aisi hi baate hoti hai jab aapko ghante ghante tak kisi se baat karni hoti hai. Ab aap puchoge ki aur konsi favorite cheez ki baat kar sakte hai apni premi ke saath to kuch points main bata rahi hu, baaki aap soch lena, itna dimag to aapko bhi chalana hoga.

  • Favorite Flower  
  • Favorite Movies
  • Favorite Actor
  • Favorite Actress
  • Favorite Song
  • Favorite Clothing Brand
  • Favorite Food Brand
  • Favorite Place
  • Favorite Dishes
  • Favorite Restaurant
  • Favorite Colour  
  • Favorite Drink
  • Favorite Tourist Place
  • Favorite Dress
  • Favorite Athlete
  • Favorite Car
  • Favorite Bike
  • Favorite Book
  • Favorite Phone
  • Favorite Poet
  • Favorite Leader
  • Favorite Player
  • Favorite Fruit
  • Favorite Game
  • Favorite Chocolate
  • Favorite Dancer
  • Favorite meal of the day
  • Favorite ye….
  • Favorite Vo……….

Aap ko ek dusre ke Likes aur Dislike ka bhi dhyan rakhna chahiye, both Gf ko bhi aur Bf ko bhi. Yeh knowledge aapko aapke lover ke liye surprise plan karne me bhi help karega, jisse aapka rishta bhi majboot hoga aur aap saath me khushi ke pal bhi share kar payenge.

✪ Daily Activities Ki Baatein

Aap apni Gf / Bf ko roj saubah Good Morning wish karke unki morning beautiful kare, unko message kare, love quotes send kare, beautiful flower ki pics send kare aur unki beauty per compliment kare. Aap unse roz ka routine puche. Apne lover ko pucho ki – Unka din kaisa gaya, unhone kya kiya pure din aur kal ka kya plan hai? Is tarah aap unse closely attached bhi rahenge aur aapko sab pata bhi hoga ki unki life me kya chal rha hai taki jarurat ke time par aap unka saath dene ke liye available reh paao.

Note..

Ek baat ka dhyaan jarur rakhein ki ye cheez jyada na ho jaaye, har cheej jab balancee me rahe to sabse acha hota hai. Mera matlab hai aap unse ye jarur pucho ki – Kya chal rha hai, kya kar rhe hai aur kya plan hai, par…. jab vo busy ho to bina jaruri baat ke baar baar phone karke ya msg karke unhe preshan nhi karna chahiye. Kyunki kyi baar person aisi situation me hota hai jab vo koi baat nahi karna chahta aise time par aapko unki feeling samajhni chahiye vo faltu me tang nahi karna chahiye. Hota hai kayi baar jab bande ka mann nahi hota baat karne ka, jab mood theek hoga tab vo khud aapse baat karenge. Agar koi person ye point nahi samajha aur yshi galti baar baar karta raha to uska rishta bhi is vajah se toot sakta hai. Isliye samajhdar bane, is cheez ka dhyaan jarur rakhein ki kab konsi baat karni chahiye.. Care karein, Torture nhi.

✪ Personal Dreams

Aap dono apne dreams ke bare me discuss kare ki aap future me kya karna chahte hai, aap dono ne aapke aane waale days ke liye kya socha hai. Aap dono ka kya aim hai, kya goals hai life me ye topic aap logo ko bhut help karega. Is topic par aap regular lambi baat-cheet kar sakte hai, isse aap bore bhi nahi hote aur lambe time ki planning bhi ho jaati hai.

✪ Advice Lena – Dena

Aap apne lover ko advice kare, kya acha hai kya bura hai woh baatein bataye, logon ke bare me samjhayein. Agar aapki Gf mature nahi hai toh usko samjhaye, alag-alag tarah ke logon ke bare me batayein, bahar ki duniya ke baare me jarur bataye taki woh bahar jaa kar safely kaam kar sake aur use is duniya me jeene me kisi tarah ki koi bhi problem na aaye.

Gf-Bf ka matlab chat karna hi nahi hota hai, agar aapki Gf nasamajh hai ya koi baat jaldi nahi samajhti toh usko gussa karne ya usse Break-up karne ki bajaye use pyar se samjhaye aur usko mature banaye. Iske alawa kuch points aise hote hai jinke baare me aapke lover ko jyada acchi tarah se pata hota hai, to aise points par unse baat jarur karein. Aap koi lover apne love ki help karta hai to use bahut khushi meshoos hoti hai, isliye kabhi bhi unko khushi dene ka mauka khali na jaane dein. Unse advice lete rahein aur advice dete rahein.

✪ Personal Opinion

Agar aap dono ek dusare ki kisi baat se gussa ya naraz hai toh usi time is baare bata de ki kya baat hai, jisse aap dono ke beech sab clear rahega. Kisi bhi rishte me khush rahne ka secret hai… Dono ko ek dusare ki baat sunni chahiye. Kisi bhi relationship me jaruri hota hai ki ek Lovers dusre ki baat ka bura na mane, balki use samjhe. Ego or Attitude ko side me rakh kar ek dusare ki feeling ko ke baare me soche, is baat ke baare me vichar kare ki kisiko kya baat buri lagi or kyu. Uske baad agar aapki galti hai to galti maan kar promise kare ki aage se vo baat fir kabhi nahi hogi taaki aapka relationship hamesha salamat rahe.

✪ Compliments

No doubt aap or aapke lover behad khoobsurat hai, phir bhi aapko or aapke Bf/Gf ko ek dusare ko compliment jarur karna chahiye. Jab bhi aap apni Gf ko date par leke jaaye uske bad jab vo ghar pahunch jaaye toh use call karke jarur puche ki – Voh theek se Ghar pahunch gayi ya nahi, aur kya kar rahi hai. halki fulki formal baat karne ke baad use ye jarur btayein ki – Aaj voh kaisi lag rahi thi, unhone jo color pehna tha vo un par kitna haseen lag rha tha, unki dressing sense ki tareef kare, aapko kaisa laga unse mil kar ye baat feeling ke saath apni Gf ko jarur btayein. Aur saath hi saath unko puche ki unhe kya acha laga, kya nhi taki next time aap aur acha kar paaye. Ek baar mulakat ho gyi to uske baare me aap jitni chahe utni baat kar sakte hai.

✪ Do Some Funny Things

Aap apni Gf ke saath new Quiz, Games, Puzzle, Brain Testing Games khel sakte hain because these activities really creates fun in relationship. Isse relationship boring nahi hota aur ek dusare ke saath aap khush reh sakte hai aur  interest bhi bana rahega aap dono ka, saath hi saath aapko kuch naya karne ko aur seekhne ko milega. Isse new topics bhi mil jayega aur aap dono ek dusare ke sath acha time bhi spend kar sakte hai.

✪ Sports Conversation

Aap apne partner ke favourite sportsperson ke bare me puche unka favorite Athlete, favorite Sport Team ke bare me puche isse aapko pata chalega ki aapke lover ka kis cheez me interest hai, voh cool hai ya sobar hai etc. Agar aap dono ko koi same game pasand hai to aap jitni chahe utni baat kar sakte hai is baare me, sports ki baatein kabhi khatam nahi hota, bas agar aapka thoda interest ho to.

✪ Society – People & Politics

Aas paas ki duniya me kya chal raha hai, log kitne bewakoof hai, kitne genius hai is baare me din raat baat karte rahe tab bhi ye topic khatam nahi hone waala. Desh duniya me koi aisi cheez huyi ho jo trend kar rahi ho us baare me baat ki ja sakti hai, koi facebook video ke baare me baat ho sakti hai, WhatsApp par aaye funny jokes, serious matters par baat ki ja sakti hai apne lover ke saath. Politics ke baare me knowledge honi aaj-kal bahut jaruri ho gaya hai, kyunki aap kahi bhi chale jaao, koi bhi exam do politics har jagah hai isliye politics ke baare me, Govt. kya kar rahi hai, acha kar rahi hai ya bura kar rahi hai is baare me bhut saari meaningful baatein ho sakti hai. Isse aapki baat bhi hogi, aap hansi majak bahi kar payenge aur seekhenge bhi bahut kuch.

✪ Horoscope

Is baare me bhi jitni baat karlo utni kam hai, agar aap bore ho rahe hai aur kuch samajh nhi aa raha ki kya kare to Newspaper uthaye aur apna aur apne lover ka Horoscope padhein aur der tak is baare me baat kar sakte hai. Newspaper me roj Horoscope aata hai aur roj kuch na kuch likha hota hai bas aap agar ye baat bhi kare ki Horoscope me jo likha tha vaisa hua ki nahi tab bhi bhut baat ho sakti hai.

✪ Yaadein

har person ne Zindgi me bahut kuch dekha hota hai, bhut kuch feel kiya hota hai aur bhut si cheezon se gujra hota hai, unme se bhut saari cheezein to log bhool jaate hai par kuch baatein aisi hoti hai jo achi ya buri yaadein chod jaati hai. Agar aapka relatinship strong hai to aap un yaadon ke baare in baat kar sakte hai, kisi funny incident ki baat kar sakte hai ya fir jab aap School trip par gaye the us time ki baat kar sakte hai. Jab aapke kisi friend ne ya kisi known person ne kuch vaisa kiya jiski aapko umeed nahi thi tab aapko kaisa laga us feeling ki baat kar sakte hai.

✪ Future Life Ki Baatein

Isme bahut maja aayega aapko… Agar aapka relationship strong hai aur aap apne lover ke saath apna future dekhte hai aur unke saath hi apna ghar basane ki soch rahe hai to fir aap apni future life ke baare me bhut si baate kar sakte hai. Jaise ki, shaadi ke baad aap dono kaise pyar karoge, jab sab TV dekh rahe honge aur aap dono ek dusre ko chup-chup ke flying kiss karoge to kitna maja aayega. Jab mammi gussa karegi to kya karoge. Jab koi aisi situation aayegi jab ghar me kuch tension hogi tab kya karoge. Jab aap office se late aayenge aur kitchen me khana bana rahi apni wife ke peetch par pyar se surprise touch karoge to kya feeling hogi vo…. Ye baatein karne me aapko bhut interest aayega aur aapko bhut khushi bhi mehsoos hogi, saath hi saath pyar to badhega hi.

Ek acche relationship me rahne ke liye, Aapko apne relationship ko hamesha new rakhna chahiye, use kabhi boring nahi hone dena chahiye. Relationship me hamesha spark hona chahiye, ek dusre ke liye time nikale. Agar aap working hai to after job ya off day par aap apne partner ke saath kahi ghumne jaaye aur aisi jagal time spend karein jha mind ko bhi relax mile aur aapki outing bhi ho jaaye. Yadi aap working nhi bhi ho toh bhi new places par jaaye, explore kare taki jab aap dono kahi dur ho to baad me aap us time, us jagah ko yaad karke ek dusare se share karenge, aise aap ek dusre se baat kar sakte hai or aapke relationship me excitement bhi bani rahegi.

✮ Call Avoid Karke Chat Kare

Agar aap lambe time tak apne lover se baat karna chahte hai to iska ek accha tareeka ye bhi hai ki jitna possible ho sakte aap utna call avoid kare aur chatting kare, isse fayda ye hoga ki ek choti si baat par bhi kaafi der tak baat kar payenge, chat se ek baat 10 minute me hoti hai jo call par 1 ya 2 minute me puri ho jaati hai isliye lambe time tak baat karne ke liye aap chat ka sahara bhi le sakte hai, ye ek lajawab tareeka hai aur bhut se successful relationship ka secret bhi.

Aapka relationship new ho ya purana ho, kuch baatein aisi hoti hai jo aap dono ne kabhi discuss nhi ki huyi hoti so time to time aap ek dusare ke baare mein jaante rahein aur baatein karte rahe. Agar ab bhi koi person aisa hai jise apni Gf se baat karne ka topic nahi soojhta to use is pyar mohabbat ke chakkar se bahar hi rehna chahiye kyuki usse vaise bhi kuch hone waala hai nahi. Bas jarurat hai in tips ko theek se samajhne ki aur apna thoda sa dimag chalane ki.

8 Comments

Add a Comment