Girlfriend Kisi Aur Se Baat Kare to Kya Kare

Jealousy har relationship me dooriya paida kar deti hai. Or ye ek aisi feeling hai jise avoid karna bada tough(muskil) hai. Shak karna or jealousy karne me kuch jyada farak nahi hai or yadi ye do cheeze aap pe haavi ho jaye to aap lakh khosisho ke bawjood bhi apne relationship ko kamyab nahi bana sakte. Par fir bhi hume khosish karni chahiye apne aap ko badalne ki. Agar aap ko lagta hai ki aapki girlfriend aapke hote hue bhi kisi or saksh(person) se baat karti hai to is baat par jyada presure na dale bajaye ek dusre ko samjhne ke. To ab aap soch rahe honge aise halaton me kya kare. Hum kuch baatein isi topic par aapke sath share karna chahenge, jise padne ke baad aapki problem lag-bhag solve ho jayegi.

Girlfriend Kisi Aur Se Baat Kare to Kya Kare

Girlfriend Kisi Dusre Se Baat Kare to Kya Kare

Shak Na Kare

Shak or Jealousy karna ek aisi bimari hai, jiski ko dawai nahi hai. Isko aap khud hi apne andar paida karte hai or fir apni personal life ke sath sath professional life me bhi preshan rehte hai. Shak bilkul na kare wo kahan jati kis se baatein karti kyu karti kab karti in baaton se koi solution nahi nikalne wala. Thunde dimag se kaam le, ho sakta hai jo aap soch rahe ho wo bilkul ulta ho or fir bhi aapko ye lagta hai ki relationship ko ageh badhne mein aap dono ko bahut jyada pryas karna pad raha hai to kahi bar aise relationship ko chod dena hi behtar hota hai. Lekin agar aapke bich judaav hai to har muskilon ko samna karna bada aasan ho jata hai. Aap aisi choti moti pareshani par jyada dhyaan na de, ye or apne relationship ko or jyada strong karne ke liye ek dusre ko freedom de.

Apne Aap Ko Majboot Rakhe

Koi bhi ladka nahi chahega ki uski girlfriend kisi or ladke se jyada ghule mile. Par agar aisa hota hai to jealous hona ek natural feeling ban jati hai or jo baad me ek badi musibat ban jati hai. Agar aap in halaton se gujar rahe hai to bilkul free mind rahe agar aapki girlfriend kisi or se baat kar bhi rahi hai to jaldi se galat matlab ya aisa waisa na soche. Wo Kis ladke se kaise ladke se baat kar rahi hai, iski puri jankari pata karne ke baad hi usse is bare me baat kare.

Apne Aap Ko Badle

Agar aapka relationship 2 ya 3 saal purana hai to aapko apne aap ko badlne ki jarurat nahi. Kyunki itne lambe relationship me aap uski har choti se badi baaton se wakif honge. Agar aapko relationship me aye hue jyada time nahi hua hai to aap pahle se hi uski har pasand na pasand ka pata lagale or use kaise personality wale log pasand hai. Agar aapke bich kabhi kisi ek baat ke bich behes ya narazgi hoti hai to aap us baat ko samjhe or agar aap ko lagta hai ki aap me kuch kami hai to use pura kare ya badlne ki khosish kare. Taki aapki girlfriend aap me hamesha hi interested rahe.

Relationship Me Space De

Aise waqt me jealous or shak karna addat ban jati hai. Par apne aap ko or relationship ko strong bnana ke liye aapko apni girlfriend ko space(freedom) dena hoga. Aap naraj ya jealous feel karte ho jab wo kisi aur se bat karti hai, kya pata wo uske friend ho aur agar aise me aap usko tokoge to wo isko pasand nahi karegi or result negative hi hoga. Jisse aapka relation kamjor pad sakta hai. Ye sab accept karna bahut mushkil hai par yaad rakhiye agar aapka uske sath acha relation hai to wo aapke sath rehna pasand karegi. Aap hi ho jise wo sabse jyada pyaar karti hai, wo jarur kisi aur se baat kare par asliyat me wo har kadam par aapke sath rahegi.

Umeed hai ki hamare is topic se aapki problem solve ho gayi hogi. Fir bhi aap agar  hamare sath apne vichar (views) share karna chahate hai to niche diye gaye comment box ke jariye aap apni baat hum tak pahuncha sakte hai.

56 Comments

Add a Comment