GF Aaj Kal Theek se Baat Nhi Karti

Hello Dear friend aapki apni Love & Friendship Hindi Website par aapka Welcome hai _/\_ Aaj ek bahut hi serious question aaya hai jise padh kar mujhe bahut bura laga. Delhi se humare dost Gaurav ne apni problem humare saath share ki hai and vo puch rhe hai ki Ab vo kya kare. So I’m going to Help him by answering his question and friends please aap bhi Gaurav ji ka sawal padh kar unhe salah do ki unhe ab kya karna chahiye. Unko aapke help and suggestion ki bhut jrurat hai.

Girlfriend Theek Se Baat Nhi Karti

Hello mam, Main Gaurav Delhi se… Mam Main bahut problem me hu. Meri gf aaj-kal mujhse baat kam karti hai. Hum log last 8 years se relationship me hai aur pahle sab kuch bahut acha tha but ab vo bahut hi kam baat krti hai. Abhi hum logo me 1 january ko ladayi ho gyi thi, fir maine use unknown number se kaafi time call kiya but wo mujhe har baar pehchan leti aur phone cut kar deti thi.

Uske baad fir se humari baat june me huyi, usne mujhe message kiya ki – `Main baat karna chahti hu tumse` fir hamari dobara baat start ho gyi. But ab fir se usne baat krna kam kar diya hai. Hum log apne future ko leke kafi senstive the, kaafi plan kiya tha marriage ka bhi, but ab kabhi usse kuch kho to mana kar deti hai.

Man mai use bahut jyada pyar krta hu. Uske liye kuch bhi kar skta hu. Mam wo bhi mujhe bahut pyar karti thi but pta nhi use kya ho gya hai, aaj-kal shi se baat bhi nhi karti hai. Har baat ka ulta jawab deti hai aur Kabhi milne ko bolo to mana kar deti hai.

Mam Main kya kru jo wo dobara se saath aa jaye. Aaj hi meri fir Aarohi se ladayi ho gyi. Maine kha ab tum change ho gyi ho to khne lagi…

Yaar sach me main ab bahut change ho gyi hu, aapko ab pta chala?? koi nhi chalo pta to chal gya

Maine usse bola ki kyu meri life ke 8 saal barbad kiye? kyu meri jindagi se kheli to kahne lagi..

Mere liye logo ki jindagio se khelna ek khel hai. Mere Mummy Papa ne yahi sikhaya hai mujhe

Main use bahut pyar karta hu, apni jaan se bhi jyada. Mam mai uske bina nhi rah skta, ab aap hi batao ki Main kya kru? Har time usi ke baare me sochta rehta hu. Jab bhi usse ladayi ho jaati hai uski wajah se bahut chidchida sa lagta hai.

Maine gusse me aa kar apni government job bhi chod di. Mai bahut pareshan hu, Kya kru bataye plz plz help me

My Answer…

Dear Gaurav, Sabse pahle aapko btana chahungi ki usse ladayi hone ke karan gusse me aa kar apni Govt. job chod ke aapne bahut badi galti ki. Aapki is decision se pata chalta hai, Aap mentally bhut weak ho chuke ho. And that’s not the way around my friend.

Dekho dear, Aaj nhi to kal vo ladki aapko chod degi and Break Up kar legi. Jis tarah se uska nature aapke liye change hua hai usse ye baat saaf saaf pata chalti hai. Mujhe ye baat kehna to nhi chahiye but aapki situation ko dekh kar kehna pad rhi hai ki… Vo ladki sirf aur sirf aapko use kar rhi hai. That’s the bitter truth dear.

Aapko ye baat samajh leni chahiye thi but Aap sab jante huye bhi aankh band karke aage chalte rhe, ye soch kar ki koi baat nhi aage sab theek ho jayega. Life is tough my friend, aise mauke par Dil se nhi Dimag se kaam loge to hi is cruel world me survive kar paoge.

Us ladki ka interest aapke upar se utar chuka and and now it will be almost impossible to get her back. Asliyat ye hai ki, pahle kya tha pata nhi but now…. That Girl doesn’t Love You.

Gf Aaj kal theek se baat nhi karti

Fir bhi vo aapke saath hai iska ek hi karan hai, aur vo ye ki… Vo janti hai ki Aap usse bahut pyar karte hai aur uske liye kuch bhi kar sakte ho. Vo bas is baat ka fayda utha rhi hai, Aur kuch nhi. Koi bhi ladki jab ye baat,” Yaar sach me main ab bahut change ho gyi hu, aapko ab pta chala?? koi nhi chalo pta to chal gya” kahe to samajh lena chahiye ki vo ab aapke saath hai to sirf apne fayde ke liye. Kisi Pyar Mohabbat ke karan nhi.

Gaurav Main aapko yhi suggest krungi ki….. Don’t get mad for her. Pyar ko apni majburi aur us ladki ki takat mat banao. Vo ye janti hai ki vo kuch bhi kare aap uske liye crazy rhoge isliye vo aapse attitude me baat kregi, vo ye dikhayegi ki aap uske liye koi mayne nhi rakhte. So now it’s up to you ki uski is berukhi ka jawab usi ki tarah attitude se dete ho ya rote rhte ho.

According to me, Us ladki ko bhaav dena band karo, use ye mat dikhao ki aap uske liye mari ja rhe ho. Vo aapka fayda utha rhi hai, samjho is baat ko. So aap use dikhao ki, U respect yourself more than her. Dear mere khyaal me Self Respect sabse badi cheez hai kisi bhi insaan ke liye. Jab tak aap apni respect nhi kroge aur ek aisi ladki ke liye rote rhoge jiske liye aap koi mayne nhi rakhte tab tak aap suffer karoge. So Just don’t give her so much importance. Even I would suggest you ki, Vo Jaisa behave kar rhi hai tum bhi vaisa behave karo. Ek Baat samajh lo uski baaton se saaf clear hai ki vo saath nhi rehna chahti aur agar aapne jabardasti karke ya kisi aur tarah use paa bhi liya tab bhi aap khush nhi reh paoge. So aap ulta use Attitude dikhana shuru karo, aap call mat karo, vo kare to bolo, Baad me baat karta hu abhi busy hu. Fir call mat karna. Vo fir jab puche ki tumne call nhi kiya to bolo, Bhul gya tha. Use uski jagah dikhao.

Accept the Reality and Live the Life Strong. Aap unke liye jiyo jinke liye aap sab kuch ho.. That’s your parents, your family. Ek successful insan bano and apna target set karo life ka jise paa kar dekhte huye aapke papa ke aankho me aanshu aa jaaye. Jab aap aisa karoge na tab jo khushi hogi vo hoga sacha pyar. Fir dekhna friend jo aapko aapki kadar karne waale log milenge. Aur main gurantee deti hu tab vo ladki royegi.

I hope aapko meri baat samajh aa gyi ho. Please don’t destroy ur life for a girl who dosn’t love you. Best of Luck for your life.. ..☆★…

89 Comments

Add a Comment