Agar Ladki Pyar Na Karti Ho to Kya Kare

Hello Friends… Kaise ho? Humare friends ko ek problem se aksar gujarna padta hai, us problem ko hum normal language me kahte hai.. One sided love. Uff…bahut mushkil hai ise handle karna. But koi baat nahi, hum hai toh kya gum hai, isko bhi handle kar lenge! Toh aaj hum apne un friend ki problem ka solution denge, jinka question hota hai – Main ek Ladki Se Pyar Karta Hu, par Agar Ladki Pyar Na Karti Ho to Kya Kare. Ab kuch situations mein hota kya hai ki, ladka ek ladki se one sided love karta hai, aur jab wo use propose karta hai toh woh use yeh bol ke mana kar deti hai ki -“Main tumse Pyar Nahi Karti.” But ladka use itna pyar karta hai ki woh use kisi bhi halat me khona nahi chahta. But ab problem ye hai ki use manaye bhi to kaise, bole bhi to kya bole. Toh aisi situation me bas ek hi cheez dimag me aate hai – Yaar Main Kya Karu?. Hmmm…baat to sahi hai ki, Kya kare ab woh.

Toh chalo hum sab mil ke unhe ye batate hai ki, One sided love ko two sided love mein kaise convert kare. Hum sab hai na unko batane ke liye ki Ladki ko kaise manaye, ladki ko apne pyar mein kaise deewana banaye to fir tension ki kya baat hai.

Ladki Ko Apna Banane Ke Tarike

Ladki Ko Apne Pyar Mein Kaise Dale Tips

Agar aap ladki ek baar propose kar chuke hai or usne aapko relationship ke liye mana kar diya hai, toh pehli baat us cheez ko wahi chod do, uski baat ko dil se lagakar mat baithe raho. Aap apni friendship yaani Dosti me difference na lao, warna aap uske paas aane ka aur uske sath time spend karne ka mauka kho doge jo ki bilkul bhi acchi baat nahi hogi, aur phir toh aap use apne pyar mein kabhi nahi dal payenge. Toh is proposal ko aapko aur usko embarrass mat karne do. Pahle jaisa comfort level maintain karke rakho. Dhyan rakho ye cheez bahut important hai, agar yha aap fail ho jaate hai to fir bahut muskil ho jayegi.

Aur haan ladki ko manane ke liye, thoda patience level badhana padega, kyunki ladki nakhre bahut karti hai. Aapka pura patience level test karengi ladkiyan. Toh bas phir agar aap is stage ke liye ready hai, toh ab badhte hai aage..

⇒ Uski Care Karo

Ladkiyon ko caring ladke bahut pasand hote hai, so agar aap uski care karte hai toh uske aapki taraf attract hone ke chances badh jaate hai. But haan, aapke propose ke baad wo is care ko galat na samjhe is cheez ka dhyan jarur rakhna. Uske saath friendly behave karna taki use lage ki proposal ke baad or specially uske mana karne ke baad aapki dosti me kuch farak nahi aaya hai aur aapki friendship waise ki waise hai. Is cheez se wo aur jyada khush hogi.

⇒ Maturity Show Karo

Ye ek fact hai ki.. Ladkiyon ko mature ladke bahut pasand hote hai, aise ladke jo apna decision wisely (soch-samajh kar) lete ho. Usko impress karne ka idea bahut helpful hota hai, aap situation ko kaise deal karte ho aur us pure outlook ko kis tarah se perceive karte ho. Use show karo.. aapko Money, apne Expenditure, Savings sab ka bahut ache se khayal hai. Aap sab cheez ko carefully manage kar sakte hai. Aur aap apne career ko le kar bhi bahut serious hai. Aap har topic pe rationally or clearly sochte ho and Aap sab cheez ko equally leke chalte ho, chahe fir wo kisi topic pe baat ho, koi bhi conflict ho, disagreement ho to aapki image mature person ki banegi jo bahut important hai. 

⇒ Uske Likes & Dislikes Jaano

Ladkiyon ko aur jo baat achi lagti hai wo ye hai ki, jab ladke unke Likes, Dislikes, Interest, Family and Childhood mein interest lete hai. Usse uske interest ke baare mein baat karo, wo aur attract hogi. Ladkiyon ko bahut acha lagta hai, jab koi unhe sunta hai. Unke baare mein baat karta hai, aur ab us ladki ke liye aap wo banoge jisse wo baat kar sakti hai aur apni har baat ko suna sakti hai.

⇒ Friendship Mein Flirt Ka Tadka

In sab ke sath jab aap uske sath time spend karte hai toh aap kaafi ache friend ban chuke honge. Toh ab aap apni friendship mein flirt ka tadka add kar sakte ho. Aap baaton baaton mein use filmy romantic dialogue se impress kar sakte hai. Aur use kaise na kaise show karo ki, aapke lines mein chahe flirt hai but feelings orignal hai. But haan use kuch aisa na bolo ki use bura lage kyunki abhi wo aapki girlfriend nahi hai. So, dhyan rakhna doston, kahin baat badhane ki jagah bigad na dena.

⇒ Use Compliment Karo

Ladkiyon ko compliments bahut pasand hote hai. Koi unhe praise kare, unhe notice kare toh unhe ye worth lagta hai. Unhe lagta hai ki unka uske liye special time laga ke ready hona safal ho gaya hai. Isliye unhe praise kar do, use choti se choti success pe appreciate karo. Agar aapko lagta hai, usme koi change hai toh use is change pe compliment karo, isse use ye pata chalega ki aap use sach me notice karte ho. Compliment karne ke liye aapko jyada sochna nahi, just Be Simple and Clear like – Aapki Dress Ache Lag Rahi Rahi Hai, Aap Pe Ye Dress Suit Karti Hai, Yeh Colour Suit Karta Hai, Aapke Hairs Ache Hai bas aisa kuch.

Compliment karne mein ek baat ka dhyan rakhna, use simple compliments like Sweet, Cute, Beautiful aise compliments dein, ladkiyon ko aise compliments zyada pasand aate hain, rather than Hot, Sexy, Bold etc..

⇒ Usse Uske Baare Mein Baat Karo

Jab aap ladki ko impress karne ki koshish kar rahe ho aur jab bhi aap uske sath time spend karo toh usse baat karo – Uske baare mein, uski family, uski problems, har cheez ke baare me aur jo bhi wo bol rahi hai use ache se suno. Uski baaton ko attention do. Aap usse apni har baat share kar sakte ho, use lagega ki aap actual mein uske liye alag ho, jo aap use har baat share kar sakte ho. Use ye show karo uske sath spend kiya hua har time aapke liye special or memorable hai.

⇒ Uske Liye Message Drop Karo

Jab bhi aapki friend offline ho toh uske liye ek Cute & Loving message zaroor drop karo. Kyunki jab bhi wo net chalati hai toh wo aapka message zaroor expect karti hai, aur isse aapka kaam aur bhi aasan ho jata hai, use ye bhi lagta hai aap uske baare mein sochte ho aur aap sach mein use admire karte ho. Aap uski absence mein bhi uske baare mein sochte hai. Toh bas ek chota sa message bhi aapka kitna kaam kar sakta hai.

Toh mere Bindaas Doston, ye hai kuch desi tips Aapki Pasand Ladki Ko Aapse Pyar Karne Mein Help Karne Ke Liye. In tips ko ache se follow karna toh pakka positive results milenge. Aur haan jaise pehle bataya patience level zaroor badha ke rakhna, Jaldi mat karna, kyunki ladki agar pyar bhi karti hui na toh unse confess karwana aur bhi mushkil hota hai. Chalo pahle to aap bas use mana lo, phir use confess karwane mein bhi aapko Shivshi aapki help karegi.

Note

Doston, kyi baar aisa bhi hota hai ki, Ek ladka ek ladki se pyar karta hai ya use pasand karta hai par vo ladki usse pyar nahi karti jiske liye kuch bhi reason ho sakte hai. Agar vo ladki na hi us ladke se baat karna pasand karti hai aur na hi uski koi baat sunna chahti hai to ladke ko 1-2 baar usse baat karne ki kosish karne ke baad us ladki ke baare me sochna chod dena chahiye aur use tang nahi karna chahiye. Agar vo ladki mana kar rhi hai to obvious si baat hai kuch na kuch reason hoga aur jaruri nahi hai ki ladke ko bhi vo reason pata chale. Jab ladki ne strictly aur saaf-saaf mana kar diya to uski baat samajhni chahiye, bewakoof logon ki tarah pagalpanti nahi karni chahiye. Isse ladka sirf apna time barbad karta hai aur ladki ko bhi tang karta hai.

Kuch cases me, Agar ladki ne mana kar diya to kar diya, iska simple matlab hai ki vo ladke se koi pyar nahi karti aur na hi use usme koi interest hai. Aur aise me uske upar koi formula kaam nhi karega aur ladka use attract karne ke liye kuch bhi karega to ladki ko vo cheez aur torture hi karegi, jisse uski life me bhi problems aayegi aur uska dimag kharab hoga. So pyar karo, par dusre ko apne se pyar karne ke liye majbur karne ki kosish mat karo, kyunki aisa kabhi hota nahi.

6 Comments

Add a Comment