Ab Vo Mujhse Baat Bhi Nhi Karna Chahta!

Hello Friends, meri ek dear friend Sushma pyar mohabbat ke jaal me aise ulajh gyi hai ki zindgi ko jhanum bana baithi hai. Ek ladka hai jisse ki vo pyar karti hai aur vo bhi kehta tha ki vo Sushma se bahut pyar karta hai aur shaadi karna chahta hai, but ab vo ladka usse baat bhi nhi kar karna chahta jis karan Sushma behal pareshan hai aur mujhse puch rhi hai ki, ab Main Kya Karu? Chaliye pahle hum Sushma ki khani usi ke zubani sunte hai yaani ki padhte hai aur fir uski help karne ki kosish karte hai..

Sushma Ki Pareshani

Mere BF ka name Chandan hai aur mera relation ke 4 saal ho gye hai, Main usse bhut bhut jaada pyar krti hu. Mai uske bina nhi ji sakti, pahle to Vo mujhse bhut acche se baat karta tha or shadi ke liye bhi purpose karta tha, but… ab baat karna bhi nhi chata hai. Main uske bina nhi rah sakti, so isliye kabhi apna haath cut karti hu kabhi expiry date ki medicines khaa leti hu bas isliye ki vo mujhse baat kare. But ab bhut jaada ho gya hai, Jeene ka bhi mann nhi karta. Mujhe pta nhi kya ho gya hai uske alava mujhe or kuch nhi dikhta hai. maine break-up karne ki bhi kosish ki but fir main khud hi nhi reh paayi usse baat kiye bina. Plz help me. Mujhe btao ki, ab Main kya krun plz!

Shivshi ki Salah…

Sushma maine tumhari puri khani 2 baar padhi aur ab jo main batane ja rhi hu vo pahle pura padho aur fir socho ki tumhe kya karna chahiye… 🙂

Tumhare saath jo ye sab ho raha hai vo sab asal me kuch nhi sirf tumhare mann ka khel hai, tumhari thinking tumhari asli problem hai. Reality me tumhare saath koi problem hai hi nhi but tum khud apne liye problem bana rhi ho….! Tumne kha – Tum usse pyar karti ho. Theek hai chalo maan liya ki tum bhut pyar karti ho, lekin kya vo karta hai ?? Vo bilkul pyar nhi karta, aur jo harkate tum kar rhi hai uske baad use tumse ulta nafrat hone lagegi! isi karan vo tumse apna picha chudana chahta hai aur tum is baat ko samajhne ki bajaye haath katne aur dwayi khane jaisi ulti seedhi harkat karti ho, jo is baat ke proof hai ki tum me maturity nhi hai, shareer se tum badi jarur ho gyi hogi par  dimag ek nasamajh bache waala hai, isliye tum apni pasand ki cheez na milne par itni Haye Tauba macha rhi ho.

Mera Bf mujhse baat nhi karta Boyfriend Kaise banaye

Samajhne waali baat ye hai ki vo tumse alag hona chahta hai aur tum haath dho ke uske piche padi ho jisse usko bhi pareshan kar rhi hai aur khud ko bhi dukh de rhi hai. Meri dear friend, ye pyar nhi pagalpan hota hai, aise karke pyar hasil nhi hua karte dear, maan lo is tarah tumne use paa bhi liya to kabhi socha hai ki, fir kya hoga? Na to vo aur uske ghar ka koi tumhari ijaat karega aur na hi tumhe kuch bolne dega, agar tumne kuch bhi bola to vo tumhe yhi kahenge – “Tu hi mari ja rhi thi, hum to nhi gaye the tere piche”.

Dear meri ek baat bahut dhyaan se suno – “Pyar, Ishq, Mohabbat & feelings ek jagah hai lekin… Duniya me self respect se badh kar aur koi bhi cheez nhi hoti, kuch bhi nhi... Izzat ki keemat pyar se bahut jyada hoti hai, aur jo tum abhi kar rhi ho vo raasta vinash ki taraf jaata hai.”

Agar koi aapse pyar karta hai to aapko use free chor dena chahiye aur – Agar vo aapke paas aaye tab vo pyar hota hai na ki Haath jod kar, pair pakad kar, ro pit ke jabardasti ka rishta pyar hota hai.” Vo tumse pyar nhi karta aur tum uske saath khush nhi reh paogi kabhi bhi. Isliye apni soch thodi si badlo dear. Mere saath isse bhi bhut bura hua hai lekin dekho aaj main tumse baat kar rhi hu aur apni life puri shaan se jee rhi hu, agar main tumhari tarah sochti ya karti to maine kab ka suicide kar liya hota, lekin maine aisa nhi kiya because ye galat hai. Aur aaj kisi ka baap bhi mere samne muh nhi khol sakta kyunki lakh sitam ho jaane ke baad bhi Apni Izzat kisi ke kadmo me nhi rakhi.

In the end, main tumko bas yhi salah dungi ki… Kisi ko apne se pyar karne ke liye majbur mat karo, apni zindgi puri khushi aur positivity ke saath jiyo. Jo tumhari baat ko samajhte hai aur respect karte hai jaise ki tumhari friends, tumhare mami, papa, Bhai, Behan aur main unke saath khushi se apni zindgi spend karo, takdeer me likha hua hume milna hi hai, jab upar waale ne hume kuch dene ka mann banaya hoga to vo milega hi milega.

Isliye ab se khud ko pareshan karna band, abhi utho, jaao Nahao aur apne aap ko badlo. Uske saath bitaye pal aur baate yaad aayengi to unhe yaad karke pareshan hone ki bjaaye ek smile ke saath unse apna dimag hata do, yaad aayegi jarur par tum us par dhyan hi mat do. Mann baar baar usi taraf jayega lekin agar hum chahe to mann ko control karna humare bas me hai, aur ye bhut aasan hai bas humari will power strong honi chahiye. Tum apne dimag ko train karo ki time barbad nhi karna hai apne kaam me lagana hai. Apne aap ko busy rakho, friends ke saath time spend karo, masti karo aur positive attitude ke saath life jiyo. Fir vo yaad aani bhi khud kam aur band ho jayegi.

Maine kyi logon ko sahi raaste par aane me help kiya hai aur aaj tum bhi unme jud gyi ho. Ab mujhe puri umeed hai ki meri dear friend kahegi – “Kya baat hai Shivshi meri Jaan, tune to meri zindgi bana di” 🙂 Doston agar aapke paas bhi Sushma ke liye koi salah ya suggestions hai to please comments ke jariye jarur share kare. Mujhe umeed hai mera jawab aapko pasand aayega. Mainkyakru.com ko fb par apne doston ke saath share jarur kare. Read more similar Love Problems & their solutions.

99 Comments

Add a Comment