Aap Mere Liye Bhagwan Jaise Ho… Aaj-Kal Ke Jhuthe Pyar Ki Sachi Khani

Hello Friends, is post me jo main aapke saath share karne ja rha hu vo bhut hi special hai.. Ye ek khani hai jo mujhe lagta hai kam se kam ek bar to sabko padhni chahiye. Ab aap sochoge aisa kya hai isme jo sabko padhni chahiye to main aapko btana chahta hu, ye aaj-kal ke jhuthe pyar ki ek bilkul sachi dastan hai.

Abhi kuch dino pehle mere ek bhut ache dost ka break up hua uske baad vo bhut hi jyada depressed ho gya tha. Main guarantee ke sath keh sakta hu bhut se or logon ke sath bhi ye ya aisa jrur hua hoga (break up, depression and all), or vo time kisi ke liye bhi bhut muskil hota hai. Isliye aaj main ye post likh rha hu, ho sakta hai isse logon ko dusro ko pehchanne me kuch help mile, or vo apne rishte soch samjh ke bnaye.

Agar aap is khani ko padhne ja rhe hai to to meri aapse ek request hai ki, Please is kahani ko dhayan se padhein or padhne ke baad comment karke jrur btaye ki ‘KYA THA VO ?

Aaj-Kal Ke Jhuthe Pyar Ki Sachi Khani Bewafa Ladki ki real story in Hindi

Ye Khani hai ek ladka or ek khoobsurat ladki ki, dono ek dusre ko nhi jante the, ek din us ladke ka ek friend apni girlfriend se milne ja rha tha, vo us ladke ka phone le gya. Sham ko uska dost phone vapas de gya ladka us time so rha tha, jab vo utha or apna sim daal kar  apna phone ON kiya to usne dekha uske inbox me ek message tha unknown number se. Fir jaisa hum sabhi kabhi karte hai, usne us no. Par message kiya…

Ladka : Who r u ?

Reply nhi aaya. Usne thodi der bad fir msg kiya “Who r u ?” kuch der baad us no. Se reply aaya..

Ladki :  Aap kon ho or kiu bar bar msg kar rhe ho ?

Ladka : Apke no. Se mujhe msg aaya hua tha isliye msg kiya maine.

Ladki : Maine aapke no. Par koi msg nhi kiya.

fir ladke ne vhi msg jo us no se aya hua tha forward kar diya or bola

Ladka :  “Ye msg mujhe aapke no. Se aaya hua hai”.

Ladki : Maine aapke is no. Par ye msg nhi kiya, mere sent items ke folder me bhi apka no. nhi hai.

Ab ladke ko laga sayad ye uske us dost ki friend hogi jo uska phone le kar gya tha, fir usne pucha

Ladka : Kya aap Vishwas (not real name) ki friend ho ?  to ladki ne kha..

Ladki : Are han or ye msg maine usi ko bheja tha.

Ladka samjh gya ‘jab uska dost phone lekar gya tha tab ye msg aaya hoga or uske phone me hi reh gya’ or usne ladki ko sab smjha diya.

Or is tarah vo dono mile, through messaging….

Dheere-2 vo dono chat krne lage or bhut jaldi hi kafi close ho gye, kuch dino baad..

Ladka : Mai aapse kuch kehna chahta hu, agr aap bura na mano to.

Ladki : Hanji Bolo..

LadkaI Like You.. :)

Ladki : Acha ji kya baat hai, vaise isme bura man-ne wali koi baat nhi hai.. :)

Fir kafi dino tak aisa hi chalta rha, or fir ek din…

Ladka : Hey I think I should tell you something.

Ladki : Yes ??

Ladka : I LOVE YOU..

Ladki ne baat ko serious nhi liya or socha ladka flirt kar rha hai, or vo koi dusri baat karne lgi, uske bad kyi bar ladka chat karte huye use ye keh deta tha – “Mujhe aapse sach me pyar ho gya“. Ek din vo dono chat kar rhe the, us din unhone dopahar 2:00 pm se raat 1:30 am tak continously (11:30 hrs) chatting ki. Us aadhi raat me…

Ladki :  Main aapse kuch khun, something very serious….??

Ladka : Hanji bolo ji…

Ladki : I love You Too… :)

Ladke ki khushi ka koi thikana nhi rha, vo bhut khush tha or puri raat soya nhi bas us msg ko baar baar bhut baar padhta rha. Is sabke kuch dino baad vo dono mile, or pehli mulakat bhut achi rhi bilkul ek Sweet Dream jaisi. Dono ek dusre se mil kar bhut khush the Uske bad dono hmesha ek dusre ke contact me rhte the… subah uthne se lekar raat sone tak, kuch dino baad vo fir mile.. Garden me baithe baate kar rhe the ..

Ladka : Apni aankhe band kro.

Ladki ne apni aankhe band ki, ladke ne pehli bar ladki ko KISS kiya.. Kuch der baad ladke ne ladki ko uske ghar ke paas ke Bus Stop par see off kiya or apne ghar chala gya. Us rat ladki ne msg kiya…

Good Night Take Very Very very Sweet Dreams, I love you So much Really…. Please never leave me, now YOU are everything 4 me..

Dono ek dusre ke saath bhut khush the. Ek din raat ke tim chat krte huye ladke ne ladki se pucha…

– “Aapko mujhse sabse jada expectation kya hai ?”

Ladki : Ki aap ache se padhayi kroge or fir acchi si job lgoge, taki jab aap rishta leke mere ghar aaoge to papa jaldi se han kar de.

Ladka : Main promise karta hu ki main aisa jrur krunga.

Fir ladki ne bhi kha ab aap btao aapko mujhse sabse jada kya expectation hai ?

Ladka : Mai chahta hu aap jaisi ho hamesha vaisi hi rho, hmesha mera saath do or mujhe sabse badi umeed hai ki ‘AAP MUJHE KABHI DHOKHA NHI DOGE, MUJHE KABHI CHODOGE NHI, MAI AAPSE Beintha Mohabbat krta hu..

Fir ladki ne jo kha yakeen maniye usse acha kuch ho nhi sakta tha, Ladki ne kha..

“Ye to mai soch bhi nhi sakti, Aap mere liye Bhagwan jasie ho..”

Ladka bhut khush tha ki use apni zindgi ka sacha pyaar mil gya jo ki duniya me bhut kam hi logon ko milta hai. Time bhut acha beet rha tha, sab kuch ek dum 110% perfect chal rha tha. Fir ek din ladki ka Happy wala B’day tha, us din vo fir mile or kaafi waqt saath bitaya, dono hi bhut khush the or sab kuch bhut acha chal rha tha. Ghar phuch kar ladke ne msg kiya to ladki ne kha vo busy hai. Uske baad raat ko ladki ka message aaya ‘Mai bhut thak gyi hu, or sone ja rhi hu, GoOD NighT, I love you..

Agle din ladki ne roj ki tarah Good morning ka msg bheja, or usne ladke ko btaya vo kisi kaam me busy hai or baat nhi kar sakti. Aur….. fir sham ko ladki ka msg aaya..

Mujhe pata hai mai galat kar rhi hu, agr main aapki girlfriend na ban ski to bhut acchi friend jrur bnungi.”

Ladke ko kuch bhi samjha nhi aaya!!!!! Use yakeen nhi ho rha tha ye kya ho rha hai. Kaaran puchne ke liye usne ladki ko message kiya “Kya? Ye kya keh rhi ho aap” par ladki ne koi reply nhi kiya…. Ladka bar bar use msg krke puchta rha aakhir hua kya hai?, Call karta rha par ladki ne na uska phone uthaya aur na hi koi reply kiya. Tab tak ladke ki haalat kisi kasayi ke kaate hiye murge jaisi ho gyi thi. Or fir kaafi der bad ladki ne use msg karke kha..

Mere ghar me bhut badi problem ho gyi hai main ye sab (friendship) nhi kar sakti kisi ke bhi sath, aapke bhi nhi.

            Aap bhut ache ho, aapne mujhe hamesha khush rakha, lekin ab mujhe puri life akele rehna hai, Ladki ne itna btaya or apni taraf se sab khatam kar diya.

Uske baad ladki ne ladke ke kisi msg ka reply nhi kiya. Ladka use raat din message phone karke ye puchta rha ki aakhir aisa hua kya, lekin use koi jawab nhi mila. Ladka bhut depressed ho gya vo din raat rota rehta tha, khaana nhi khata tha, ghar walon ko dikhane ke liye khana le kar apne room me chala jata tha aur saara khana Tiolet me flush kar deta tha. Aap sayad yakeen nhi kroge jaisa typical hindi films me hota hai, ditto vhi ho rha tha.

Kuch dino baad ladke ko pta chala us ladki ki kisi or ladke ke sath friendship ho chuki hai, to ladke ne ladki se is bare me message karke pucha. To ladki ne us message ka jawab diya, lekin ladki ne jo jawab diya use padh kar main bhi hans rha hu, aap bhi hasoge or jo bhi ise padhega sab hasenge, suno ladki ne kya kha..

Mai aapse bhut pyar karti thi… lekin aapne mere sath vo kiya jo mujhe bilkul pasand nhi hai! (vo us kiss ki baat kar rhi thi jo aapne upar padha, jis kiss waale din ladki ne khud kha tha ki ye uski ab tak ki zindgi ka sabse acha din tha). Aage ladki ne likha tha – “Maine aapko pehle hi kha tha main vo sab nhi kar sakti fir bhi aapne kiya isliye choda maine aapko.”

Hehehehe….. Hai na interesting jawab.

Ye to shayad us ladki ke alawa or koi nhi janta ki asal me uske aisa karne ke piche sach kya tha or usne aisa kiu kiya but jo bhi usne kha tha vo sab jhuth jrur tha. Main ye sab isliye janta hu kiuki vo ladka Main hi hu, or vo ladki………….. (chodo, varna uski badnami ho jayegi).

Ab aap jitna chaho utna time le kar aur soch kar btao kya ye pyar hai?? Mujhe yakeen hai aap khoge – `Nhi, Bilkul nhi`. Lekin sacchai yhi hai, aaj-kal ke mostly relationship aise hi bante hai or toot jate hai. Mai aisa bilkul nhi keh rha hu ki ‘Aaj kal sacha pyar nhi hota’ par jo bhi ho, jo is khani me hua vo aaj kal bhut jada hota hai, or kyi bar iska result bhut hi kharab hota hai, yhan tak ki kyi bar log suicide tak kar lete hai, kiuki sirf ishq hi aisa dard deta hai jiski koi ilaaz nhi hota.

Isliye jaldi logon par vishwas na kre or kre to nibhayein jrur, aaj kal ke pyar ki koi guarantee nhi hoti. Aapke comments ka intezar rehega. Meri ek salah maane .. :)

Sazaa Ke Taur Pe Kaatna Yeh Zindagi Aapni,
Wafaa Bemol Bhi Mile To Pyaar Mat Karna..

End me jaate jaate unke liye chand line hajir hai..

Socha Tha Teri Wafa Pe Likhoonga Ek Gazal,
Afsosh Ke Tere Miyar Ke Alfaaz Na Mile..

20 Comments

Add a Comment